Мэнгэтэй эмэгтэй хүнийг XV зуунд Европт шатаасан ч түүх бий. Өнөөдөр мэнгэнд нэг их ач холбогдол өгөхөө больсон ч мэнгээр хүний хувь заяа эсвэл зан чанарыг тодорхойлох боломжтой гэж үздэг. Энэ удаад ч бүгдээрээ мэнгээр сонжоод үзье. Гэхдээ энэ бол зөвхөн сонжоо болохыг анхаарна уу.
Эрэгтэйчүүдийн мэнгэ
Духан дээрх мэнгэ: Баруун талынх алдар, аз жаргалыг авчирна. Дунд байрлавал аз жаргалтай хайр сэтгэлтэй учирна.
Чихэн дээрх мэнгэ хэнэггүйн шинж. Харин мэнгэ хүзүүний баруун талд байрласан бол хүнд хэцүү амьдрал туулахын илрэл. Дунд талд голлосон байвал гайхамшигтай түргэн албан тушаал ахина гэдэгт итгээрэй. Эрүүн мэнгэтэй бол бусдын хүндлэлийг хүлээдэг. Мөрөн дээрээ мэнгэтэй бол таны амьдрал бэрхшээл дүүрэн байх болно. Шар шиг зүтгэж ажиллах юм байна. Баруун хавирган дээрх мэнгэ шийдмэг бус занг илэрхийлнэ. Зүүн тал дээр бол хошин шогийн мэдрэмж сайтай. Нуруун дээрээ мэнгэтэй бол нээлттэй, шударга хүн. Заримдаа жаахан яншаа.
Өгзгөн дээр бол: Залхуурах дуртай, амархан бууж өгдөг. Бэлэг эрхтэн дээрээ мэнгэтэй бол өгөөмөр, шударга зан чанартай. Биеэ аятайхан авч явж чаддаг. Гэрлэлт аз жаргалтай байна. Баян болж чадахгүй ч гачигдахын зовлонгүй амьдарна. Харин цавины баруун тал дахь мэнгэ эд баялаг, нэр хүндийг авчирна. Зүүн мэнгэ нь өвчин зовлон, ядуурлын тэмдэг гэнэ.
Эмэгтэйчүүдийн мэнгэ
Хөмсөг дээрх мэнгэ: Баруун хөмсөг дээр бол аз жаргалтай гэрлэлт, зүүн дээр байвал эсрэгээр.
Нүдний орчим: Нүдний орчим дэх жижиг мэнгэ нь тайван, тогтуун зангийн илрэл.
Хацар дээр: Баруун тал дээр бол хайр сэтгэлийн учрал ихтэй, зүүн хацрынх амжилтад хүрэхэд саад тотгор элбэг тохиолдохын шинж.
Хамар дээр: Ямар ч зүйл сэдсэн бүтэмжтэй байхын билэгдэл.
Уруул дээр: Хөгжилтэй зангийн шинж Мэдрэмжтэй, тансаглах дуртай. хариуцлагаас мултарч чаддаг. Дээд уруул дээр мэнгэтэй бол маш эмэгтэйлэг, аальгүйн илрэл.
Цээжин дээр: Баруун талынх бол хэт туйлшрамтгайн шинж. Мандан сэргэх, унан доошлох таньг амьдралд ээлжилнэ. Цээжний зүүн талд байрласан мэнгэ өгөөмөр, мөн жаахан хөнгөмсөг зангийн илрэл.
Бэлхүүс дээр: Олон хүүхэдтэй болохын шинж. Мэнгэ том байх тусам хүүхэд олширно гэсэн үг.
Мөрөн дээр: Үргэлж аз хийморьтой байна. Харин зүүн талын мэнгэ мөнгө, санхүүгийн бэрхшээлтэй учирч болзошгүйн дохио.
Сарвуун дээр: Хар бараан толбо, мэнгэтэй бол эд баялаг, аз жаргал, гайхамшиг таныг үргэлж дагалдаж байхын билэгдэл.
Гаран дээр: Танд амжилт, аз жаргал авчрах авьяас бий.
Шагайн дээр: Ажилч хичээнгүй, эрч хүчтэй, биеэ даасан зан чанарын илрэл.
Бэлэг эрхтэн дээр: Эрдэмтэй, ген сайтай хүүхэд төрүүлэхийн шинж.
