Швейцарын тансаг цаг үйлдвэрлэгч “Tag Heuer” компани Google-ийн Android Wear үйлдлийн системтэй ухаалаг цаг бүтээх гэж байгаа тухай мэдэгдлээ.
Түүнчлэн энэ цагийг бүтээхэд Интел компани оролцох аж. Харин үнэ болон хэзээ худалдаанд гарах нь тодорхойгүй үлджээ. Ерөнхийдөө компанийн “Carrera” цагны тооцоолон бодох “тархи” суулгасан загвар болох тухай Рейтерс агентлаг мэдээллээ.
Хэрвээ энэ цаг Carrera-тай адилхан төрхтэй байх юм бол дэлгэц нь дугуй хэлбэртэй учир Apple Watch-аас өөр төрхтэй болох юм. Түүнчлэн дөрвөлжин дэлгэцээс татгалзсан цөөхөн хэдэн Андроид цагны нэг болно.
Сонирхуулахад Tag Heuer-ийн гүйцэтгэх захирал Жан Клод Бивер анх Apple Watch-ыг танилцуулж байхад “Хэрэггүй зүйл” хэмээж байсан бол төд удалгүй “Гайхалтай бүтээл” гэж байв.
Харин өчигдөр Рейтерст өгсөн ярилцлагынхаа үеэр “Apple Watch бол жинхэнэ цаг биш магадгүй залуус үүнийг сонирхож байгаад эцэст нь жинхэнэ цаг авахыг хүсэх байх” гэжээ.
Эх сурвалж: 
