Та хоёрыг нэгтгэх ямар нэгэн зүйлийг хайж олоорой
Энэ нь тухайн эр хүний дотор таатай мэдрэмжийг бий болгож өгөөд зогсохгүй тантай илэн далангүй байхад тустай. Тухайлбал идэх дуртай хоол, сонирхдог зүйл, сексийн уран сэтгэмж, аялал гэх мэтийн аль нэгэнд нь ижил хөзөр байж л таарна шүү дээ. Тиймээс тэр хөзрийг нь олж аваарай.
Хамтдаа сэтгэл зүйн тестээр бие биенээ сонжиж үзэх санал тавиарай
Энэхүү арга нь түүний ямар хүн болохыг нь тодорхойлоход тань туслах болно. Хэдий тест ч гэсэн дэмий хоосон зүйл биш учир сэтгэл зүйчид бодож олсон байх.
Өөрийгөө дурсах зүйлийг үлдээхэд заавал бэлэг өгөх шаардлагагүй юм
Таны түрхдэг үнэртэй уснаас түүнд таалагддаг үнэртэнг дэр аль эсвэл хөнжлийнх нь захад цацаж өгч болно шүү дээ. Үнэртэй усыг тань үнэрлээд таны тухай гарцаагүй бодох болно. Түүнчлэн өөрийнхөө дуртай гарын савангаа угаалгын өрөөнд нь үлдээж яагаад болохгүй гэж. Энэ нь таныг дурсан санах бас нэг гэнэтийн бэлэг болж өгнө гэдэгт эргэлзэх хэрэггүй юм.
Битгий мартаарай гэдэг үгийг хэрэглэхээс аль болох татгалзаж байгаарай
Харин үүнийхээ оронд “Гэртээ очоод над уруу залгаарай”, “Мессэж бичээрэй” гэх мэтээр өөрийнхөө хүсэлтийг эерэгээр илэрхийлж сурах хэрэгтэй. Ингэж чадвал таны хүсэлт биелэлээ олж, та хоёрын харьцаа алхам алхмаар дээшлэх болно.
Хэрэв та тухайн эр хүнтэйгээ хамтдаа шөнийг өнгөрүүлэхийг хүсэж байгаа бол
Түүнд “Би өглөөний цайндаа омлет идэх дуртай. Чи түүнийг амсах ёстой. Чамтай хамт өглөөний цайгаа уумаар байна. Хэрэв чи татгалзахгүй бол шүү дээ” гэж хэлж болох юм. Энэ мэт бяцхан аргыг хэрэглэх нь эр хүнд хүрэх бас нэг зам болж өгдөг гэнэ шүү.
