Саяхан өгсөн нэгэн ярилцлагадаа нэрт хөлбөмбөгчин Дэвид Бэкхем өөрөөс нь тун дутахгүй нэр алдартай эхнэр Виктория Бэкхем нь түүний хэв маягийг хариуцдаг хэмээн ярьжээ. Арга ч үгүй биз. Өдгөө түүний эхнэр айхтар нэртэй загвар зохион бүтээгч болоод байгаа билээ. Дэвид эхнэрийнхээ зөвлөгөөг байнга сонсож, цаадахь нь таалахгүй байвал тэр хувцсыг өмсдөггүй гэдгээ ярив.
“Эхнэрийн маань өгсөн хамгийн шилдэг зөвлөгөө бол “ямар нэг зүйл”-ийг өмсөхгүй байх явдал. Юу өмсөх ёстойг маань тэр надад үргэлж хэлж өгдөг. Би ч үгэнд нь ордог юм. Би түүний үгийг дагадаг. Гэр бүл дотор ийм зүйл байх ёстой. Тэр надад ямар нэг зүйлийг ил шулуун хэлдэг хүн. Би ч түүнийг нь хүлээж авдаг. Тэр өөрийн загварын бизнесийг хөгжүүлээд зогсохгүй миний хэв маягийг 99 хувь хариуцдаг юм шүү” хэмээн тамирчин эр ярьжээ.
