Холливудын жүжигчин Анжелина Жоли өндгөвч болон фаллопийн гуурсаа авахуулсан байна. Энэ тухай тэрээр The New York Times-д өгүүлсэн аж.
“Эдгээр хувилбаруудын талаар эрсдэлтэй бүлгийн бусад бүсгүйчүүд мэдэж аваасай гэж би хүсч байна” гэж Жоли өөрийн буландаа бичжээ.
Түүний өгүүлснээр, энэхүү мэс засал нь өөрөө хөнгөвтөр хийгддэг хэдий ч хожмоо гарах үр дагавар нь нэлээн ноцтой байж мэдэхээр гэнэ. Энэ ажилбарын дараа ихэнх эмэгтэйчүүдэд “хүчээр цэвэрших” үзэгдэл эхэлдэг аж.
“Би хэдийгээр даавар орлуулах эмчилгээ хийлгэж байгаа ч одоо цэвэршилтийн үе шатанд орчихсон явж байна. Би цаашид хүүхэд төрүүлж чадахгүй бөгөөд нэлээн өөрчлөлтүүд ч гарах бололтой” гэж Жоли ярьсан байна.
Түүний энэхүү өвчний гол шалтгаан нь удамшлын шинжтэй бөгөөд түүний ээж, эмээ, нагац эгч зэрэг гурван эмэгтэй хөхний болон эмэгтэйчүүдийн хорт хавдар өвчнөөр таалал төгсөж байсан аж.
