Их Британийн угсаа залгамжлах ханхүү Уильямын гэргий, гүнж Кейт Миддлтон ирэх сарын эцсээр амаржиж, хоёр дахь хүүхдээ өлгийдөн авах юм. Харин Уильям, Кейт нарын шинээр төрөх хүүхдийн хүйс болон нэрний талаарх таамаг хөвөрч эхэллээ.
Тодруулбал Британичууд гүнжээс дахин хүү төрөх магадлал өндөр хэмээн олон нийт үзэж байна. Тэр ч бүү хэл Лондонгийн төвд “Хүү” гэх лоозон байрлуулсан байна. Мөн Их Британийн жиргээчид Кейтийг хүү төрүүлнэ хэмээн хүлээж байгаа бол фейсбүүкчид түүнийг охин төрүүлнэ гэж таамаглаж байгаа аж.
Мөн шинээр мэндлэх хүүхдийн нэрний талаар Английн номын зохиолч Уильям Хиллс нэгэн сонирхолтой тооцооллыг гаргасан байна. Тэрбээр Английн язгууртнууд хүүхдэдээ ямар нэр өгч байсан талаар судалгаа хийсэн бөгөөд Алис хэмээх нэр өгөх магадлал өндөр гэж үзжээ. Тодруулбал XIX зууны дунд үеэс Английн хэд хэдэн язгууртан эмэгтэйчүүд Алис нэртэй байсан гэнэ. Жишээ нь Хатан хаан Виктория хоёр дахь охиндоо Алис хэмээх нэрийг өгч байсан бол мөн хатан хааны авга, гүн Глостерийн эхнэрийг Алис гэдэг байжээ.
Хэрэв эрэгтэй хүүхэд мэндлэх юм бол Артур, Хенри, Жеймс, Александр, Филлип, Алберт гэх нэрсийг өгөх магадлал өндөр байна гэнэ.
