Би одоо 23 настай залуу байна. Өөрт тохиолдсон зүйлээ ингэж олон нийтэд дэлгэх нь тийм сайхан зүйл биш гэдгийг би мэднэ л дээ. Ялангуяа эр хүн байж гэж хэн нэгэн намайг элдвээр хэлэх л байх гэхдээ би ялгаагүй хүн ,дурлах ,уйлах, гутрах , сэтгэлээ нээтэл хэн хүнтэй ярилцахыг хүснэ. Тийм болохоор би энэ сэтгэлээ нээе булан руу юм бичлээ. Та бүхэн харааж зүхэлгүй “Надад тус хүргэх” хэдэн зүйлийг хэлж өгөөч.
Би нэг орой найзуудтайгаа уулзах гээд явж байгаад нэг эмэгтэй такси барихаар зогсож байхаар нь замдаа төхүүлээд өгөх санаатай машиндаа суулгасан юм. Харахад надаас 2,3 эгч бололтой сайхан бүсгүй байсан. Тэгээд хаашаа явах юм бэ? гэж асуусан чинь чимээгүй газар та намайг буулгачих гээд уйлж уйлж байснаа гэнэт -Надтай та хамт байж болохгүй юм уу? Би үнэхээр ганцаардаад байна. Хэрвээ намайг үлдээвэл би яаж ч магадгүй гээд байхаар нь хамт хотоос жаахан зайдуу машинтайгаа зогсоод шөнөжин юм ярьж хоноход надад ч сайхан байсан. Өөрийн эрхгүй тэр эмэгтэйд татагдаж эхэлсэн гэхүү дээ. Тэгээд маргаашнаас нь хойш дандаа уулздаг болсон. Эрэгтэй эмэгтэй гэлтгүй хүнд хүн чинь дасахаа хүрвэл амархан дасдаг гэдгийг ойлгосон. Миний хувьд тэр бид 2 богино хугацаанд хамт цагийг өнгөрүүлсэн ч сайхан жаргалтай мөчүүд олон байсан. Одоо тэр минь надтай холбоогүй болоод 2 долоо хонож байна. Өчигдөр гэрийх нь гадаа машинтайгаа очтол нэг настай ахтай сугадалсан гарч ирээд намайг харсан ч хараагүй юм шиг машиндаа суугаад яваад өгсөн. Яагаад надад яадаж нөхөртэй гэдгээ хэлэж болоогүй юм болоо. Хамгийн тэнэг нь би түүнийг мартаж чадахгүй байна. Би түүний хувьд хэн ч биш байсан болохоор л хэдэн 7 хоног надтай хамт байсан юм байхдаа. Нөхөртэй байсныг нь би эрт мэдсэн бол…
