Хамаагүй шахсан хатигнаас бояж, цусанд сепсис үүсч /бохирдол орох/ тохиолдол цеөнгүй байдаг. Тиймээс хатиг гарсан тохиолдолд юуны өмнө өөрөө оролдож шахахгүй байх, ариун цэврийг дээд зэргээр сахих хэрэгтэй.
Хатиг гарах шалтгаан:
Биеийн эсэргүүцэл сулрах, арьсны салст бохирдох, тэжээлгүй хоол хүнс удаан хуга- цаанд хэрэглэх
Арьсны бүрэн бүтэн байдал алдагдах, бохир заваан байдал, ахуйн хүнд нөхцөл, чихрийн шижин зэрэг нь хатиг
гарах суурь болдог.
Арьсан дээрх хатиг нь стрептококк, стафилококк бакте- руудын идээлүүлэх үйлчлэлээр буй болдог арьсны үрэвсэл юм. Хатиг нэг дор хэд хэ- дээрээ, олон дахин гарах тохиолдол ч бий.
Эмчилгээ:
Эмнэлгийн хяналтан дор эмчилнэ. УВЧ-ээр шарах, антибиотикоор хавсран эмчлэх зэрэг аргууд их төлөв орно.
Гэрийн нөхцөлд:
Хатиг яаж ч хүндэрсэн шахаж болохгүй. Эмнэлгийн цэвэр спиртээр хатгийг хөнгөхөн арчихад л болно.
Ардын аргаас хэрэглэх нь ч байдаг. Тухайлбал, хатиг гарсан хэсэгт шүлсээ түрхэх, зуурсан гурил шавж тавих гэх мэтийн хоргүй аргыг хэрэглэж болно.
Ер нь хатиг гарах нь ядрах, дархлаа суларч буйн илрэл, дохио юм.
Ажиллаж амрах, хооллож ундлах зэрэг амьдралын хэв маягаа эргэн харах, засвар оруулах шаардлага гарч байна гэсэн үг. Xатгинд шавуулахгүйн тулд хоолны нэр төрлөө олшруулах, витаминлаг хүнс хэрэглэх, ажил амралтаа зохицуулах гээд сурах юм их бий.
