Попын гүнж Бритни Спирс өнгөрсөн оноос эхлэн Лас Вегасын “Planet Hollywood” цэнгэлдэхэд “Piece Of Me” гэх цуврал тоглолтоо хийж байгаа билээ. Харин тэрбээр өчигдөр болсон тоглолтынхоо үеэр тайзнаа унасан байна.
Тодруулбал дуучин бүсгүй өчигдөр “You Drive Me” дуугаа дуулж, бүжиглэж байхдаа хий гишгэсний улмаас тайзан дээр унажээ. Тэрбээр унасан ч дуугаа үргэлжлүүлэн дуулж байсан аж. Түүний хэвлэлийн төлөөлөгч энэ талаар хэлэхдээ “Бритни шагайгаа эвгүй болгосон” “TMZ” сайтад ярьжээ.
Тоглолтын дараа Бритни твиттертээ “Хүнд өдөр байлаа. Тайзан дээр унаж, хөлөө гэмтээв. Дараагийн тоглолтодоо илүү анхааралтай, болгоомжтой байх болно.” гэж жиргэжээ.
