1. Мөс нүүрний нүхийг агшааж царайлаг болгодог. Арьсаа зөв арчилж, өөрийн арьсны онцлогт тохирсон гоо сайхны бүтээгдэхүүн хэрэглэх хэрэгтэйгээс гадна арьсны бохирдлыг зөв цэвэрлэх явдал юм. Энэ нь батгашихаас хамгаалдаг. Нүүрээ цэвэрлэсний дараа хөлдөөсөн мөсөө алчууранд ороож нүүрээ арчина. Энэ аргыг хуурай арьстай хүн бол 7 хоногт 2 удаа, тослог арьстай хүн өнжөөд 1 хэрэглэж болно. Мөсөөр арчсаны дараа тэжээлийн тос түрхээд 30-40 минутын дараа нүүрнээсээ тосоо арчиж авдаг. Мөсөөр нүүрээ тогтмол арчих нь арьсыг хэт хуурайшуулдаг тул та тохируулан хэрэглээрэй.
2. Шар тос байнга идвэл царайлаг болно. Шар тосыг байнга идэх нь зүрхний тамирыг амирлангуй болгох, уушигны хатингарыг арилгах, царайнд өнгө нэмэх, нүдний цогийг бадраах, өлчир, халуунд тэсвэртэй болох, мөн хөгшрөлтийг удаашруулах тустай.
3. Арьсыг цэвэрлэх чийгшүүлэх, тэжээл өгөхөд тарвасны шүүс онцгой нөлөөтэй. Эмчилгээний болон гоо сайхны зориулалтаар хэрэглэх тарвас нь маш сайн боловсорсон байх ёстойг анхаарна уу?
4. Арьс улайх, батга гарахад тарвасны зөөлөн хэсгийг өргөст хэмхтэй хольж адил хэмжээтэй авч нүүрэндээ тавина. Маскийг 20 минут тавиад, тасалгааны температуртай адил хэмжээний бүлээн усаар угаана.
5. Суларч, үрчийх шинжтэй арьсанд тарвасны маск сайн. Тарвасны улаан хэсгийг нухаад шүүсийг нь авч марьлд /салфеткад/ шингээгээд нүүрэндээ 15-20 минут тавиад бүлээн усаар угаана.
6. Хуурай арьсанд, нэг цайны халбага тарвасны шүүсийг өндөгний шартай хутгаад нүүрэн дээрээ 15-20 минут тавина. Энэхүү маск нь арьсанд маш сайн тэжээл өгнө.
7. Харин тослог арьсанд бол шүүсийг өндөгний цагаантай хольж тавина. Ийм маск нь арьсыг цайруулж, нүх сүвийг агшаана.
