Солонгосын топ одууд даруухан хурим хийжээ

Өмнөд Солонгос улсын топ одууд болох жүжигчин Вонбин (38) болон зар сурталчилгааны од И На Ён (36) нар хурим хийжээ.
Жилд олдог орлогоороо тэргүүлдэг хосууд өнгөрсөн долоо хоногт Солонгос улсын Кангванду аймгийн нэгэн тосгонд хуримаа хийсэн бөгөөд хуримын хоолыг найзууд нь  бэлдсэн бол хурмын үйл ажиллагаанд тосгоны оршин суугчид болон гэр бүлийн гишүүд гээд нийт 50 гаруй зочид оролцсон байна.
Хосууд хэдэн зуун саяар үнэлэгдэх хурим хийхээс илүүтэйгээр гэр бүлийн хүрээнд даруухан хурим хийхийг илүүд үзсэн бөгөөд тэд хуримын хөтлөгчгүйгээр, хуримын тайзгүйгээр ногоон зүлгэн дээр хуримласан Солонгос улсын анхны одууд болжээ.