Нууц үг хэр зэрэг нууцлал өндөртэй байх нь нэгдүгээрт хэр урт байгаагаас нь шалтгаална. Урт байх тусам таны нууц үгийг олоход хэцүү болно. Гэхдээ ихэнх хүмүүс урт нууц үгний оронд хялбарыг нь бодож богино, амархан нууц үг хэрэглэдэг.
Тэгвэл Apple компани шинэ үйлдлийн систем хэрэглэгчдээ албан хүчээр олон оронтой нууц үг хэрэглэдэг болгох нь. Одоо iOS үйлдлийн системтэй төхөөрөмж хэрэглэж байгаа хүмүүс дөрвөн оронтой нууц үг ашигладаг бол ирэх намраас зургаан оронтой нууц үг ашиглана гэсэн үг юм.
Ингэснээр нууц үг нь 10,000 биш харин нэг сая боломжтой болно. Гэвч 123456 эсвэл 111111 гэсэн нууц үг ашиглах хүн хэдэн арваараа байсаар л байгаа.
Мэдээж хэрэг санахад хялбар ч хэн нэгэн нууц үгийг нь тайлах гэж оролдохдоо юун түрүүнд дээрхтэй адил нууц үгсийг ашиглана. Ямартай ч iOS 9 ирэх намар гэхэд хэрэглээнд нэвтрэх бөгөөд iPhone 4S, iPad 2 болон үүнээс хойшхи загварын төхөөрөмж ашиглагчид зургаан оронтой нууц үг ашигладаг болох нь.
Эх сурвалж: 
Д.Багахүү | GoGo.mn
