“Шинэ үе продакшн”-ы жүжигчид болох Д.Оюунтуул, Ц.Алдармаа нарын бие биенээ халуун усаар түлсэн хэрэг гараад нилээдгүй хугацаа өнгөрөөд байгаа. Олон нийтийн анхаарлыг татаад байсан тус хэрэг шүүхээр орж жүжигчин Оюунтуул Солонгос улсад хагалгаа хийлгэж, жүжигчин Алдармаа тэнсэн харгалзах ялтайгаар эцэслэн шийдвэрлэгдсэн юм.
Тэгвэл тэдний дахин шүүхдэлцэх талаар мэдээлэл гараад байгаад Д.Оюунтуул: “Ямар хэцүү юм бэ. Би үнэндээ ядарч байна. Бие минь бүрэн эдгэрээгүй байхад янз бүрийн мэдээлэл гарч байгаад харамсах юм. Одоо би эмчилгээндээ явах гэж байгаа. Тийм зүйл дахиж байхгүй шүү” хэмээн мэдэгдсэнийг Mobile news буландаа онцолж байна.
