“Өөртөө хайртай эмэгтэйд л бурхан гоо үзэсгэлэнг нь харамгүй бэлэглэдэг” гэсэн ишлэлийг нэгэн гоо сайхны салонд олж харснаа санаж байна. Яагаад ч юм энэ үг сэтгэлд тодхон хоногшсон байх юм. “Өөртөө хайртай” гэдэг хоёрхон үгний утганд бүсгүй хүний гоо үзэсгэлэнгийн үнэ цэнэ тэр чигтээ багтдаг юм болов уу…
“Эрчүүд эмэгтэйчүүдийг сайхан байгаасай гэж бодож байтал бүсгүйчүүд маань хүнтэй суугаад хүүхэд гаргангуутаа өөрийгөө хаячихдаг. Эмэгтэй хүн хүнтэй суугаад, хүүхэд гаргалаа ч гэсэн улам л гоё болоод байх хэрэгтэй” гэж нэг хүнээс бас сонссон юм байна. Хэзээ ямагт өөртөө арчаатай, сайхнаараа байх нь эмэгтэй хүний өөртөө хайртай байхын ухаан нь байж мэдэх л юм. Даанч бүсгүйчүүд бид өөрсдийгөө амьдрал, үр хүүхэд, нөхрийнхөө төлөө зориулаад, гоо сайханд ч орох завгүй явах нь энүүхэнд дээ. За яахав, нүүрэндээ хэдэн энгэсэг наах нь наад захын асуудал юм гэхэд цаана нь өөр бас нэг асуудал бүр ч хэцүү сэдэв болоод байна. Олон эмэгтэй хүүхэд гаргаад өөрөөсөө олон юм алддагийн нэг нь сайхан хөх. Төрөхөөс өмнө сэргэр дур булаам байсан энгэр дэх гоо үзэсгэлэн маань төрсний дараа хүүхэд хөхүүлснээс зөөлөрч, унжиж, язардаг биш билүү.
Би гэхэд хоёр хүүхэдтэй. Хоёуланг нь хөхөөрөө өсгөсөн. Бага хүүгээ саяхнаас хөхнөөс нь гаргасан. Одоо бол хөхний даруулгаар л гоо үзэсгэлэнгээ орлуулж байна даа. Хоёр хүүхэд хөхүүлсэн болохоор ч тэр үү унжаад, сулраад, дээрээс нь сүү орсны дараа сунаж, их язралт өгсөн. Уг нь санаагаар болдог бол хөхөө эргээд төрөхөөс өмнөх хэвэнд нь оруулж даруулга зүүхгүй байсан ч гоё харагдах хэмжээнд аваачих юмсан. Над шиг ийм хүсэлтэй маш олон эмэгтэй байдаг гэдэгт итгэлтэй байна. Нүүрэндээ энгэсэг түрхэж гангарах амархан ч байгаль эхээс төрсөн биедээ гоо үзэсгэлэнгээ хадгалж үлдэх нь хамгийн бахархмаар зүйл биш гэж үү. Тийм болохоор сүүлийн хэдэн сар эрэл хийж хөхөө сайхан хэвэнд нь буцаан оруулах аргыг хайсан юм л даа. Хэд хэдэн аргыг судалж, туршиж үзлээ. Тэдгээрийн талаар уншигч бүсгүйчүүдтэйгээ хуваалцахаар шийдсэн юм. Ямар ч гэсэн хөх маань төрөхийн өмнө байсан хэлбэртээ бараг л очсон гэхэд хилсдэхээргүй үр дүнд хүрсэн. Яаж гэж үү. Мэдээж, олон аргыг туршиж байж өөртөө тохирсон аргыг олсноо доор дэлгэрэнгүйгээр хуваалцъя. 
Мэс заслын арга
Мэдээж, мэс заслын орон дээр ганцхан удаа хэвтээд сайхан хөхтэй болох амархан байх л даа. Энэ аргыг сонирхож, бүр хийлгэчихдэг ч юм билүү гэж бодогдож байснаа нуухгүй ээ. Дахиад хүүхэд төрүүлэхгүй гэж шийдсэн үедээ энэ хагалгааг хийлгэх нь зөв гэж нэгэн эмч надад зөвлөсөн.
Яагаад гэхээр хөх томруулах мэс засалд орсноор хөхүүлэхэд, сүү ороход мэдээж сөрөг нөлөөтэй байх магадлалтай аж. Сүүний булчирхайг тэжээдэг судсуудыг хаачихдаг учраас хүүхдээ хөхүүлэхгүй байх, эсвэл хиймэл хөхөө авахуулах гэсэн хоёр замын нэгийг сонгох хэрэгтэй болох нь элбэг гэнэ. Зарим эмнэлэг ийм байдал үүсэхгүй, хүүхэд хөхүүлэхэд ямар ч асуудалгүй гэж хэлж байна лээ. Гэхдээ л энэ арга надад таалагдаагүй. Дараа нь ямар нэгэн бэрхшээл гарвал би л тэр бүх мэдрэмжийг мэдэрнэ шүү дээ.
Мөсөөр арчих
Хөхөө чангалах түгээмэл бөгөөд уламжлалт арга юм. Мөн хүйтэн шүршүүрээр цохиулж ч болно. Гэхдээ энэ бол маш хэцүү арга юм шиг санагдсан. Би бүтэн сар ингэж туршиж үзсэн л дээ.
Өөрт их зовиуртай, тэгээд ч үр дүн нь маш бага санагдсан. Бас хуурай арьстай бол арьс хуурайших сөрөг нөлөөтэй байж мэдэх юм. Мөн дахиад хүүхэд төрүүлье гэж бодож байгаа бол энэ аргыг хэрэглэхгүй байсан нь дээр гэсэн зөвлөмжийг фэйсбүүкээс нэг удаа олж уншсанаас хойш энэ аргыг хэрэглэхээ бүр больсон. Яагаад гэхээр хөхний сүүний сувгууд агшиж, дараа төрөхөд сүү ороход нөлөөлж болзошгүй гэсэн байсан. Үнэн худлыг мэдэхгүй ч энэ аргыг хэрэглэх нь зовиуртай, хэцүү, бас дараа нь үр дагавартай юм шиг санагдсан.
Дасгал хөдөлгөөн
Хөх чангалах дасгал хөдөлгөөн зөндөө байдаг юм билээ. Гэхдээ яг надад төрсөн бодит сэтгэгдэл гэвэл худлаа санагдсан. Яагаад гэхээр үр дүн нь маш удаандаа гардаг юм шиг байгаа юм. Би төрснөөсөө хойш 6 сар фитнест явахдаа хөх чангалах дасгалыг тасралтгүй хийсэн ч өөрт мэдрэгдэх үр дүн гараагүй.
Тэгэхээр энэ нь айхтар үр дүнтэй арга биш байх магадлалтай. Бас фитнессээр хичээллэсэн эмэгтэйчүүдийн хөх жижгэрдэг гэсэн яриа ч байдаг юм билээ. Үүнийг фитнессийн зарим багш нар үгүйсгээгүй юм шүү. Тэгэхээр хөхөө томруулах гэж фитнесст явах нь үнэндээ л үнэмшилгүй санагдсан.
Тосон түрхлэг
Манай найз эмэгтэй хөх өргөж, чангалдаг тос түрхэж байгаа гэж надад баахан гайхуулж байлаа. Яг үнэндээ анхны сэтгэгдэл маань гэвэл худлаа л санагдсан. Гэхдээ гурван хүүхэд төрүүлсэн найз хүүхэн маань хоёрхон сар хэрэглээд хөх нь төрөөгүй хүнийх шиг болчихсон байсныг харах үнэхээр итгэмээргүй байсан. Тиймээс тэр тосыг хэрэглээд үзэхэд буруудахгүй гэж санагдаад туршихаар шийдсэн юм. Энэтхэгийн уламжлалт гоо сайхны VLCC фирмийн хөх чангаруулж, өргөдөг энэ тосыг Энэтхэг, Япон, Сингупар, Англи, Европын сая сая эмэгтэйчүүдийн таашаалд нийцсэн юм байна. Бас клиник шалгалтад орж хүний биед ямар нэг сөрөг нөлөөгүй гэдэг нь тогтоогджээ.
Эмэгтэй хүний хөхний ургалт, булчингийн хөгжлийг идэвхжүүлдэг эстроген дааврыг нэмэгдүүлснээр энэ тосны үйлчлэл явагддаг юм байна. Энэ тосыг би яг гурван долоо хоног түрхсэн. Үнэр нь нэг тийм сайхан таатай юм билээ. Тийм болохоор түрхэхэд цаанаа л нэг урамтай. Яг гурван долоо хоног түрхсний дараа маш их өөрчлөлт надад мэдрэгдсэн. Хөх доод хэсгээсээ өргөгдөж, сэрийгээд ирдэг юм билээ. Үр дүнг нь бүрэн утгаар нь мэдэрье гэвэл зургаан долоо хоногоос дээш хугацаагаар тасралтгүй зааврынх нь дагуу түрхэхийг мэргэжилтнүүд зөвлөсөн.
