Монгол нэршил нь Сарнахай, Англи нэр нь Crinum Оросоор Кринум Латинаар Crinum L гэдэг ч River lily, veld lily (Eng.) гэж нэрлэх нь ч бий.
Энэ цэцгийн уугуул нутаг нь Өмнөд Африкийн халуун бүс юм. Амариллис /Amaryllidaceae/ овогт багтдаг гоёмсог шүхэр маягийн баг цэцэгтэй олон наст булцуут ургамал юм.
Нэг булцуунаас зузаан, сэлэм хэлбэртэй ногоон өнгөтэй 9-12 навч гарна. Навч нь 1м орчим урт ургана. Цэцгийн өндөр нь хоолойн хамт 17-18 см өндөр байх ба нэг дэлгэрэхдээ 9-12 ширхэгээр баг цэцэг болон дэлгэрэх ба диаметр нь 15-20 см цагаан, ягаан, улаан, холимог өнгийн цэцэгс гардаг.
Бусад Амариллисын овгийн цэцэг дотроо цэцэг нь хэмжээгээрээ томд тооцогддог. Онгон зэрлэг байгаль дээр байдаг 160 гаруй төрөл зүйлийг нь одоогоор эрдэмтэд олж тогтоогоод байна. Голдуу 7-9 сарын хооронд цэцэглэдэг. Ургамал амрах үед цэцэг өөрөө навчаа гөвж тайван байдалд ордог. Хүлэмжинд тарихад сайн ургадаг онцлогтой цэцэг юм.
Хөрс
2% хар шороон хөрс, 1% навчит хөрс, 1% бордооны холимог, 2% элс, хүлэрт хөрс байхаар бодож хөрсийг бэлтгэнэ. Хусны нүүрс бага зэргийг хольж болно.
Дулаан
Ид ургалтын үе буюу хаврын эхэн сараас зуны сүүл сар хүртэл өрөөний дулаан 17-20 ° C харин ургамал амрах үед өрөөний дулаан 8-10 ° C байх нь тохиромжтой. Нар жаргасны дараа эсвэл мандахаамс өмнө навчийг усаар шүршиж зөөлөн чийгтэй даавуугаар арчиж болно. /дулааны улиралд/
Гэрэл
Нарны шууд тусгал тусах газраас хол гэрэл сарнисан газар цэцгээ тавих нь тохиромжтой.
Усалгаа
Ид ургалтыгн үе буюу хаврын эхэн сараас зуны сүүл сар хүртэл хөрсний өнгөн хэсгийг үргэлж бага зэргийн чийгтэй байхаар бодож усалгааг хийнэ. Усалгааг ихдүүлж болохгүй гэдгийг анхаараарай. Усалгаа ихэдвэл булцуу ялзарч цэцэг үхэх аюултай. Цэцэг амрах үед усалгааг багасггах ба булцуунд бага зэрэг чийг өгөхөөр тааруулж усалгааг хийнэ.
Бордох
14 хоногт цэцэглэдэг цэцэгэнд зориулсан шингэн бордоогоор бордоно.
Үржүүлэх ба жилжүүжлэн суулгах
3-4 жил болоод хавар цэцэг сэргэхээс өмнөхөн шилжүүлэн суулгалтыг хийнэ. Цэцгийг булцууг хувааж үржүүлнэ.Цэцгийг шилжүүлэн суулгах үеэр том жижиг төрөл бүрийн булцуу гарах ба жижиг булцуунууд 2-3 жил болж байж цэцэглэдэг тул та томоос нь сонгон таривал тэр жилдээ цэцэглэнэ.
Жижиг булцууг 9 -12 см диаметртэй саваанд суулгах ба дараа жил нь савыг бага зэрэг томруулна. Булцууг салгах үеэр булцуу эсвэл үндэсийг шалбалах эсвэл гэмтээсэн бол тэр хэсэгт нь модны нунтаг нүүрс түрхээрэй. Мөн муудаж харласан үндэсийг цэвэрлэж хаяна.
