Америкийн нэрт дуучин Бритни Спирсын хувийн амьдрал аль эртнээс л таагүй байгаа билээ. Түүний янаг амрагийн явдлууд үргэлж бүтэлгүйтдэг болсон. Тэрбээр ямар нэгэн шалтгаанаар ээлжит найз залуугаасаа салдаг болсон юм. Жэйсон Травиктай үерхэж байгаад Бритни хуульч Дэвид Лукадотой учирсан. Цаадах нь ар хударгаар нь явалдаж байсныг мэдээд дуучин бүсгүй түүнийг хаясан билээ.
Дараа нь Спирс Чарли Эберсолтой дотноссон. Гэвч найман сар үерхсэний эцэст тэд хоёр тийш болсон аж. Тэднийг удахгүй гэрлэж магадгүй хэмээн мэдээлж байсан юм. Салсан гэдгээ Бритни Спирс албан ёсоор мэдэгдээгүй ч хамтдаа авахуулсан бүх зургаа цахим хуудаснаасаа устгасан бөгөөд арга хэмжээнүүдэд ганцаар ирэх болжээ.