Мэргэжилтнүүдээс өндөр үнэлгээ авдаггүй ч шинэ ном нь гарах бүртээ борлуулалтаараа тэргүүлдэг “Fifty Shades of Grey” цувралын шинэ хувилбар бас л дээд амжилт тогтоожээ. Зохиолч Эл Жеймсийн “Grey” нэрээр гаргасан шинэ ном нь Америкт дөрвөн өдрийн дотор 1,1 сая хувиар борлогдсон бол Их Британид гурван өдрийн дотор 647 мянган ширхэг худалдаалагджээ.
“Grey” хэмээх энэ номонд шинэ үйл явдал, өгүүлэмж байхгүй. Өмнөх гурван ном дээр гардаг үйл явдал гарах бөгөөд онцлог нь гол баатар Грэйгийн өнцгөөс бичигдсэн аж. Өмнөх гурван номд Анастасия Стилийн өнцгөөр, түүний өгүүлэмжээр зохиол өрнөдөг бол энэ удаа Грэйгийн нүдээр тэдний дурлалын романсыг харах боломж олгож байгаа юм.
Энэ бестселлер номын өмнөх гурван цуврал нь нийтдээ 125 сая хувиар борлогдож, зохиолоор нь хийсэн кино ч мөн л орлогоороо тэргүүлсэн билээ.
Эх сурвалж: ВВС
