К.Номин Солонгосын соёлыг сурталчилна

К.Номин Солонгосын соёлыг сурталчилна БНСУ-аас Монгол Улсад суугаа Элчин сайд дуучин К.Номинжинд Солонгосын олон нийтийн дипломат найрамдлын элч өргөмжлөлийг гардуулжээ. Энэ тухайгаа дуучин бүсгүй фэйсбүүктээ бичжээ. БНСУ-ын Засгийн газар нь гадаадын соёл урлагийн салбарын алдартнуудыг улсынхаа дипломат найрамдлын элчээр өргөмжилж, хоёр улс хоорондын найрамдалт харилцааг бэхжүүлэхэд хүчин зүтгэхэд нь дэмжлэг үзүүлж байгаа. Одоогийн байдлаар Израиль, Энэтхэг, Казахстан зэрэг оронд БНСУ-ын олон нийтийн дипломат найрамдлын элчийг өргөмжлөн ажиллуулж байгаа аж. Ийнхүү К.Номинжин 2017 он хүртэл Монгол Улсад Солонгосын соёл урлагийг түгээн дэлгэрүүлэх юм байна.