Х.Тэмүүжин Г.Сарангэрэлээ дурсав

f72911ed2ef924d7originalХуулийн сайд асан Х.Тэмүүжин, Г.Сарангэрэл нарын амрагийн дуулиан нэг хэсэг чимээ намдаасан ч Х.Тэмүүжин өөрөө энэ тухайд цахим хуудсаараа дэлгэсэн нь зарим нэг даваадуулах дуртай хүмүүс Х.Тэмүүжин Г.Сарангэрэлийгээ санаад байгаа бололтой хэмээсэн үг таржээ.

 

Учир нь тэрээр өөрийн твиттер хуудсаараа дамжуулан “ноцтой” гэгдэхүйц нэгэн мэдээллийг нийтэд дэлгэсэн нь шуугиан дэгдээж байна.  Түүний жиргэсэн хоёр хуудасны нэгийнх нь доод хэсэгт “Цагдаагийн ерөнхий газрын 2014 оны 08 дугаар сарын 29-ний 01 дүгээр зөвлөлийн хуралдааны тэмдэглэлээс” гэсэн дугаарлалт байгаа нь яах аргагүй албан эх сурвалж юм.

 

Үүнд иргэн Г.Сарангэрэл гэх эмэгтэй 2014 оны 06 дугаар сарын 30-ны өдөр ЦЕГ-ын Дотоод хяналт, аюулгүй байдлын газарт хандаж, “…эрүүгийн цагдаагийн газрын төлөөлөгч … намайг сүрдүүлсний улмаас би айсандаа Т-тэй унтсан хэвтсэн гэж ярихыг зөвшөөрсөн. Энэ нь цагдаагийн ёс зүй, ашиг сонирхлын зөрчил агуулсан үйлдэл байх тул хариуцлага тооцож, хохирол төлүүлж өгнө үү. ЭЦГ-ын ажилтан яагаад сайдынхаа нэр төрийг гутаах, доромжлох талаар бусдыг ятгаад, зөвлөөд байгааг би ойлгохгүй байна” хэмээн гомдол гаргажээ.

 

Тиймээс уг гомдлын мөрөөр шалгалт явуулахад ЭЦГ-ын Гүйцэтгэх ажлын дүн шинжилгээний хэлтсийн дарга, цагдаагийн дэд хурандаа Б.Ариунболд нь Г.Сарангэрэлийн өмгөөлөгч н.Батбаяртай утсаар ярьж, түүнийг хуурамчаар мэдүүлэг өгүүлэхээр ятгасан нь баримтаар нотлогдсон /өмгөөлөгчтэй ярьсан утасны яриа/ тул сахилгын хариуцлага тооцсон тухай тэмдэглэжээ. Мөн Ариунболд нь утасны ярианд нэр дурдагдсан Ууганбаяр гэгч нь ЭЦГ-ын дарга Н.Ууганбаяр мөн болохыг баталж “Ууганбаяр даргатай би нөгөө утсаараа ярьж байсан. Ууганбаяр дарга энэ тухай мэдэж байсан” хэмээн мэдүүлсэнийг ч дэлгэжээ.

 

Тэр ч бүү хэл Х.Тэмүүжингийн үйлчлүүлдэг газруудын зөөгч үйлчлэгээр дамжуулан тагнаж чагнах хэрэгсэлээр хувийнх нь мэдээллийг цуглуулдаг байсан тухайг ч дэлгэсэн байна.

 

 

 

А.Гал

unen.mn


Х.Тэмүүжин Г.Сарангэрэлээ дурсав
Жиргэх
Манай хуудсанд LIKE дарж нэгдэнэ үү

Нэр: Anonymous Огноо: 7 October 2016 Reply

Тэмүүжин одоо больмоор юм шиг ядаж үр хүүхдийнхээ нэр хүндийг бодооч Тэмүүжин хийхэд гэхэд ирээдүйн хадам дуртай байх болов уу эцэг шигээ юм байгаа гэж бодох бий эхнэрийг нь үнэхээр их өрөвдөж байна наад заваан новшоос сал

Сэтгэгдэл бичих

АНХААРУУЛГА: Уншигчдын бичсэн сэтгэгдэлд MISS.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 7711-0505 утсаар хүлээн авна.