Аргалд явсан ээжий минь та
Арай дэндүү удлаа шүү дээ
Аагтай цайг чинь санан санасаар
Ангаж явна даа муу хүү чинь
Ээж минь ээж минь энэрэлт тэнгэр минь
Эргээд ирэх тань болоогүй юу
Өөдөө одсоор ээжий минь та
Өнөд удаан саатлаа шүү дээ
Өдөр хоногийг тоолон тоолсоор
Өнгөрөөж явна даа муу хүү чинь
Ээж минь ээж минь энэрэлт тэнгэр минь
Эргээд ирэх тань болоогүй юу
Бурханд зорьсон ээжий минь та
Буцахаа мартаад тухлаа юу даа
Буян заяаг тандаа ерөөж
Буцаад ирэхийг танаас гуйя
Ээж минь ээж минь энэрэлт тэнгэр минь
Эргээд ирэх тань болоогүй юу