Нэрт жүжигчин, дуучин Женнифер Лопес спортод дуртай нэгэн. Өдгөө 45 настай түүний цэх бие ч үүнийг нотлодог билээ. Дуучин бүсгүй эмэгтэйчүүдийн биеийн галбирыг төгс сайхан болгоход анхаарлаа хандуулсан байна.
Тэрбээр BodyLab хэмээх өөрийн фитнес хөтөлбөрийг боловсруулсан нь 10 долоо хоног үргэлжлэх аж. Энэ хугацаанд тухайн эмэгтэй Лопестой хамт өөрийн гадаад үзэмжийг төгс төгөлдөр болгох юм. Хялбар байхыг нь бодолцоод үүрэн гар утсанд зориулсан хавсралтыг ч бүтээв.
“Энэ хавар би өөрийн шүтэн бишрэгч эмэгтэйчүүд болон Америкийн бүх эмэгтэйчүүдийг миний #BeTheGirl төсөлд нэгдэхийг уриалсан. Бид нэг нэгнийгээ сэдэлжүүлж, алдаагаа засан төгс төгөлдөр болж чадна гэдэгт би итгэж байна.
Чи надтай хамт хооллож, цугтаа гүйж, хамтдаа хөлсөө урсгах болно. Өөрийн амьдралыг BodyLab-тай хамт шинээр эхлүүлцгээе” хэмээн Жэй Ло уриалжээ. Үүрэн гар утсанд зориулсан хавсралт дотор биед ашиг тустай хоол унд хийх жорууд багтсан аж. – See more at: http://www.wikimon.mn/content/62612.shtml#sthash.NqY0EDKd.dpuf
