Урт хугацааны туршид архи тамхи хэрэглэх нь эр хүний загас наадуулах чадварыг үгүй хийх аюултай. Тамхинаас болж цусны хангамж багассантай холбогдон тамхичин эрэгтэйчүүд бэлгийн сулралтай болсон байдаг. Мөн судлаачдын үзүүлэлтээр тамхичин эрийн үрийн шингэн дэх эр бэлгийн эсийн тоо багасдаг байна.
Хөвчрөл дутагдал үүсч улмаар бэлгийн сулралд хүргэдэг үндсэн шалтгаанууд нь дараах зүйлсд байдаг гэж vзжээ.
Үүнд:
Сэтгэцийн: Сэтгэл гутрал, стресс, бие хэт чагнах г.м.
Мэдрэлийн: Гэмтэл, нурууны үе хоорондын гэмтэл, судасны хатуурал, архи хэтрүүлэн хэрэглэх, аарцагны эрхтэнд хийгдсэн хагалгаа г.м.
Артерийн судасны: Даралт ихсэх, тамхи татах, чихрийн шижин г.м.
Венийн судасны: Бэлэг эрхтнээс цусны буцан урсахыг хязгаарлах механизм гэмтэх г.м.
Эмийн: Даралт бууруулах бэлдмэл, сэтгэл гутрал заслын эм, лютеинжvvлдэг даавар хэрэглэх г.м.
Тамхи бэлгийн булчирхайг сулруулж, үрийн шингэнийг хордуулдаг. Тамхины никотин бэлэг эрхтэн хөвчрөх, үрийн шингэн ялгарах төвийг гэмтээдэг байна. Энэ эмгэг даамжирсаар ямар ч насны эр үрийн шингэнээ эрт алдах, эрхтэн нь огт хөвчрөхгүй болох эмгэгтэй болдог аж. Америкийн эрдэмтэд тамхины утаа хэдий хугацаанд үрийн сувгийг гэмтээж, сорвижуулахаас гадна төмсөгний эр бэлгийн даавар ялгаруулах үйл ажиллагаа, эрхтнийг хөвчрүүлдэг судас, булчинг сулруулж муутгадаг болохыг нарийвчлан судалж байгаа бөгөөд тамхи хэрэглэдэг эрчүүд үеийнхнээсээ хавьгүй эрт буюу 5-10 жилийн өмнө бэлгийн чалхгүй болдог хэмээн одоогоор батлаад байна.
Тамхичин хүний үрийн шингэнд шинжилгээ хийхэд тамхины утаанд хордсоноос эр бэлгийн эсүүдийн нэг хэсэг нь үхэж тоо нь цөөрсөн, нөгөө хэсэг нь хөдөлгөөн муутай болсон байдаг байна. Үүний улмаас үргүйдэл үүсдэг болохыг шинжлэх ухаан нотоллоо. Тамхи нь зөвхөн эрчүүдэд төдийгүй эмэгтэйчүүдэд ч бас хор хөнөөлтэй. Учир нь, тамхи татдаг эмэгтэйчүүдийн умайн булчин суларч, жирэмсэн үедээ дутуу төрж, зулбах эрсдэл бусад эмэгтэйгээс 70 хувьтай байдаг.
Тамхи татдаг эрчүүдэд энэ нь мэдэгдэхгүй, түүнчлэн нь тамхидалт бэлгийн сулралд хүргэдэг гэдэгт итгэдэгүй ч таныг аажмаар уусгаж байдгийг анзаараарай.
