Дурласан гэж өгүүлэх
Дулаахан тэр харцанд
Бүдэрсээн би яадгийм
Баярласан би яадгийм
Бүсгүй биенд төрчихөөд
Харцанд ээрэгдэж явахгүй юм бол
Бүлээн амьсгалтан болсны
Жаргалыг яаж мэдрэх юм
Хайртай гэдэг үгэнд
Гэгэлзсэн сэтгэлээ хорих юм бол
Харамлах шаналанг эдлэх
Гунигийг яаж мэдрэх юм
Хагацаг ээ хамаагүй чамаасаа
Хар нулимс урсаг
Дурлал нь бүтэхгүй тусам
Дурсамж нь гэгээн гэлцэнэ /Hopa/
———————————————————————————-
ТЭНГИС
Би
Арга билгийн давалгаа цалгилах
Алтан хэвлийн усан тэнгис
Амь бүрэлдүүлж амьдрал бэлэглэдэг
Ач нэхдэггүй ээж тэнгис
Би
Өөжин дээр нь нар асгарсан
Өөдсөн үрийнхээ сүүн тэнгис
Бүүвэйн дуугаар давалгаа нь хөглөгдөх
Бүлээн дуут намуухан тэнгис
Би
Үр минь бүдрэхэд эргээ хальж
Урд нь мэлтэрч зөөллөх давалгаа
Үр минь уйлахад эрчилэн шаагиж
Ус нь нэмэгдэх нулимсан тэнгис / НОРА 2015-07-05/
———————————————————————————-
Үүлэн хээтэй тэнгэрт цалгиж наадах салхинаа
Үзээд өнгөрсөн амьдралаа шивнэж сэтгэлээ суллалаа
Өнгө өнгөөр алаглах зуныг халаад ирсэн
Өрмөн шаргал намрын навчинд нулимсаа дайлаа
Гуниг шавхсан уйтай бороонд дэвтээгүй навчис
Гундаж хорчийн унасаар хөлөөр нэг хөглөрөөд
Гишгэх тоолон шаржигнаж өлмийнөөс адис авсаар
Гил хар хөрсөнд дахин төрөхөөр шингэсээр
Ороо бусгаа амьдралыг гудамлаж чигээрээ туучсаар
Орь ганц төгсгөлд хүрээд ирэхийн цагт
Яасан ч их зовлонг даасан юм бэ дээ сэтгэл минь
Яг л анхны цас шиг цагаахан болоод үлдэх минь 2015-07-17 /HOPA/
Н.Дэлгэржаргал
