Стандартчилал хэмжилзүйн газрын Сорьцын хяналтын хэлтэс болон Дархан-Уул аймгийн Стандартчилал, хэмжил зүйн хэлтэс хамтран Дарханы үнэт эдлэлийн арилжаа эрхлэгч аж ахуйн нэгж, иргэдийн зарж байгаа бараанд шалгалт хийжээ.
Шалгалтад үнэт эдаэлийн арилжаа эрхлэгч 22 аж ахуйн нэгж, иргэний лангууг хамруулан сорьц тогтоосон баталгаажуулалт хийгдсэн, баталгааны тэмдэг дарагдсан эсэхийг нягталжээ.
Шалгалтаар Турк, Солонгос, Итали, Хятадулсаас импортолсон сорьцын баталгааны тэмдэггүй мөнгөн болон монетан эддэлүүд, баталгааны шошгогүй алтан эдлэл олноор зарж байжээ.
Мөн бүрмэл мөнгөн эдлэлийг бүрмэл гэж тодотгоогүй зарж байсан зэрэг зөрчил илэрсэн байна. Иймд үйлдвэрлэгчийн барааны тэмдэггүй, улсын сорьцын баталгаагүй алтан болон монетан, мөнгөн эддэлүүдийг улсын сорьцын баталгаа хийлгүүлэхээр битүүмжилж улсын байцаагчийн шаардлага өгчээ.