Залуу дуучин Ч.Сэлэнгэ “Аялуун” нэртэйгээр анхны бие даасан цомгоо гаргахаар болжээ. Түүний цомог нь нийт 9 дуутай бөгөөд дан монгол ардын дуунаас бүрдэж байгаа аж.
Тухайлбал, “Аргагүй амраг”, “Гандан уул”, “Цэн цэнгийн баавар”, “Цэвэр охин”, “Солонго” зэрэг дуунууд багтжээ. “Аялуун” цомгийн хөгжмийн найруулгийг “Сонор” студийн Ө.Амараа, Б.Бат-Эрднэ /Аранзай/ нар, бичлэгийг нь “Анд” студи хийжээ.
Мөн цомгынхоо дизайн болон хоёр дууныхаа клипийг “Лемон” студиэр хийлгэж байгаа гэнэ. Залуу дуучин маань цомгынхоо нээлтийг төрсөн өдрөөрөө буюу тавдугаар сарын 7-нд хийж сонсогч олныхоо сонорыг мялаах гэнэ.
Б.Хэрлэн
