Их Британий хан хөвгүүд Уильям, Харри нар барилгачин болжээ. Хаан ширээ залгамжлах хөвгүүд гартаа алх барьж, барилгачдын хамгаалалтын малгай өмсөн Английн Зэвсэгт хүчний ахмад дайчдад зориулсан төвийн барилга барихад гар бие оролцлоо.
Хан хөвгүүд зүгээр нэг албаны хүмүүс шиг нээлтийн ёслолд ирээгүй, харин өөрсдөө шавар зуурч барилга барилцсан гэж тэнд байсан хүмүүс мэдээлж байна.
Харин барилгачид нь өөрсдөө байн байн утсаар тэдний зургийг авах гэж ажлаа саатуулж байсан аж. Түүнчлэн олон зуун сайн дурынхан хүрэлцэн ирж барилгын ажилд оролцсон байна.
Их Британий телевиз удахгүй барилгачин хан хөвгүүдийн талаар тусгай нэвтрүүлэг цацахаар бэлдэж байна. Тус телевизийн “DIY SOS” хэмээх энэ төслийн хүрээнд 62 хуучин байшинд их засвар хийх юм байна. Энэ нэвтрүүлэг Англид их алдартай. Төсөлд оролцогчид орон сууцны хороолол барьж, хуучин барилгад засвар хийхээс гадна байгалийн гамшигт өртсөн хүмүүст тусалдаг аж.
www.mnews.mn