-Хүү маань сав л хийвэл өөдөөс юм хэлэх юм. Өөрийн эрхгүй гар хүрмээр санагддаг. Энэ тохиолдолд яах вэ?
-Та тэлээ шүүрч авахын оронд хүүдээ бодох хугацаа өг. Түүнд бие даан асуудлыг шийдэх боломж олго. Өсвөр насны хөвгүүдийн тархи нас биед хүрсэн хүн болон жаахан хүүхдийнхээс огт өөр ажилладаг гэдгийг санаарай. Ой тогтоолт орчны хүлээн авах чадвар, биеийн огцом өсөлт зэрэг гэх мэт онцлогтой. Та түүний насан дээр ямар байснаа санаарай.
-Би 17 настай. Өөр сургуульд шилжиж орсон юм. Их ганцаардмал тул сурахыг хүсэхгүй байна. Гэтэл эцэг эх ойлгохгүй юм аа…
-Таны найз нөхөд, багш, дассан амьдрал бүгд тэр хуучин сургуульд үлдсэн болохоор ойлгомжтой. Гэхдээ бүү сэтгэлээр уна. Шинэ сургуульд, шинэ хамт олны дотор орж байгаа танд маш олон давуу тал байна. Таныг хэн ч мэдэхгүй тул (имидж) гадна төрхөө өөрчилж, сурлагын дүнгээ сайжруулж болно. Та шинэ ангиа жүжгийн найз гэж төсөөлөн, гол дүрд нь тоглохыг хичээ.
-Хүү маань 16 настай, Нэг зүйлийг тогтвортой ч хийнэ гэж үгүй, дээд сургуульд сурч байснаа хаячихсан, ажилд орсноо хэцүү гээд больсон, бөхийн секцэнд ч явж үзсэн. Яавал тэр томоожих бол?
-Хүү чинь одоо л өөрийгөө нээхгүй бол хэзээ нээх билээ дээ? Тэр яг одоо л олон талын авьяасаа илрүүлж, шинэ сэтгэгдэл мэдрэмж эрж хайж байгаа. Хүү чинь ямар нэг юм хийх гэвэл бүү саад бол, түүнд мэдэгдэхгүйгээр харин чиглүүлж өг. Ялангуяа мэргэжлийн талаар хэрэв коллежид сурч байгаа бол компьютер авч өгөх гэх мэт.