Би өчигдөр бүр хөгөө чирлээ. Би нэг дажгүй залууг харж явдаг болоод их удсан. Бид 2 нэг газар ажилладаг бөгөөд манай нөгөө хэлтэс. Ёоё тэр үнэхээр хэн ч харсан үнэндээ л сайхан залуу. Манай ажлын бараг бүх хүүнхүүдийн нүд нь унадаг байх. Би гэж хүн ажилд орсон өдрөө л дурлаад 1 жил шахуу өдрийн бодол шөнийн зүүд болж мөн ч их шаналж явна да. Тэр сайхнаа мэддэггүй юу эсвэл биеэ зөв авч явдаг уу. Ямартай ч авгай хүүхэнтэй холбогдож байхыг нь би хараагүй. Байнга л ажил дээрээ орой болтол сууж байдаг. Саяхан нэг архивийн шалгалт гэж улс даяар хөдөлгөв дөө. Тэр үеэр далимдуулаад би гэж хүн орой үдэшгүй ажил дээрээ сууж ойр зуур юм туслаад өгөөч гэсэн нэрээр овоо юм ярьдаг дотно болсон. Тэгээд зориглож байгаад нэг орой хамт хоолонд оръё гэсэн чин за гэж зөвшөөрсөн. Би гэдэг хүн баярласандаа энэ хэд хоног бараг газраар алхаагүй дээ хэхэ. Хэдэн ч орой гоо сайханд орж хэдэн ч удаа шинэ хувцас авах гэж дэлгүүр хэсэв. Ингээд хүсэн хүлээсэн өдөр маань болж өчигдөр болзоонд явлаа.
2-лаа тансаг ресторанд хоол идээд үнэхээр зугаатай байсан. Намайг ёстой ийм зугаатай хөгжилтэй охин гэж бодоогүй гээд л инээгээд. Тэгээд харих болоход намайг хүргэж өгье гээд явж байхад нь би хамаагүй инээж байгаад аймаар чангаар унгачихсан. Тэр эхлээд их гайхад сонин царайлснаа чи ямар инээдтэй юм бэ гээд инээгээд байсан. Бүр бантсандаа үхэх гэж байсан. Юу ярьж байснаа ч мартаад. Гэртээ орсон хойноо өөртөө уурлаад бүр уйлав. Бүтэн жил мөрөөдчөөд арай ч дээ ингэж бүтэлгүйтээд байхдаа яахав дээ. Би үнэндээ тарган биш мөртлөө нэлээн унгадаг. Өнөөдөр ажил дээрээ тэрэнтэй таарахаас ичээд өрөөнөөсөө ч гараагүй. Тэр залуу намайг заваан амьтан гээд дургүй болсон байхдаа. Эрчүүдээ та нар найз охиноо унгахад дургүй байдаг уу? Над шиг байдалд орсон эмэгтэйд сэжиг чинь хүрээд зугтах уу? Уг нь бид чинь адилхан л иддэг уудаг бүх талаараа адилхан хүмүүс биз дээ…