Энэтхэг улсын Раджастан мужид бараг 6 кг жинтэй аварга, том хүүхэд мэндэлжээ. Энэ хүүхдийг хамгийн том нярай хүүхэд (ямар ч гэсэн Энэтхэгт) гэж мэдээлж байна.
Хүүхдийн эхийг төрөх үед 4 эмч байлцжээ. Эмч Анемика Аггаруол “Энэ бол гайхамшиг, бидний хувьд гэнэтийн үйл явдал байлаа. Хүүхдийн биеийн жин 5,9 кг. Эх нь өөрөө төрөх гэж оролдсон боловч хүүхэд гацсан, ингээд яаралтай кесарево сечение (манайхан хийсвэр гэж хэлж заншсан) хийсэн” хэмээн мэдэгдлээ.
Аварга хүүхдийн ээжийг Гога Бай гэдэг, 25 настай, бараг 100 кг жинтэй. “Гога бүсгүй чихрийн шижин өвчтэй учраас хүүхэд нь ийм том төрсөн байх. Эх нь диабеттэй үед хүүхэд нь таргалах эрсдэлтэй” гэж эмч нар онцлон тэмдэглэв.
Аз болоход аварга хүү цоо эрүүл төрсөн, түүнд ямар ч өвчин согог байхгүй гэнэ.
Энэтхэгт болон ихэнх улс оронд дөнгөж төрсөн хүүхдийн дундаж жин 3кг байдаг билээ. Иймээс 6кг жинтэй хүү Энэтхэгт дуулиан тарилаа.
www.mnews.mn
