Америкийн реалити шоуны од Ким Кардашяны ээж 59 настай Крис Женнер дахиад л нөхөрт гарчээ. Энэ удаа түүний нөхөр нь 25 насаар дүү ажээ. Өөрөөр хэлбэл өөрийнх нь том охиноос ч дүү.
Крисийн залуухан амрагийн нэрийг Кори Гэмбл гэдэг. Кори Гэмбл бол алдарт дуучин Жастин Биберийн роуд-менеджер билээ.
Ким Кардашяны ээж Крис хуучин нөхөр Брюс Женнерээс салснаас хойш ердөө 6 сар болоод ийнхүү хүнтэй суужээ. Брюс нь эмэгтэй хүн болж хувирсан гэдгийг та бүхэн санаж байгаа байх.
Насны зөрүүтэй хос сүй тавьсан эсвэл гэрлэсэн гэдгээ ил тодоор зарласангүй. Гэхдээ л Парисын Загварын долоо хоногийн үеэр Крис сүйн том бөгж зүүсэн байсан нь олны нүдээс мултарсангүй.
Шоудах дуртай Кардашяныхан мэдээж өөрсдийгөө сурталчлах боломжийг алдахгүй, хурим бол хамгийн том шоу шүү дээ. Иймээс тэд ойрын хугацаанд хуримын товоо зарлах байх гэж шуугиж байна.
www.mnews.mn
