Дэлхийн улс орнуудын хуримын ёс жаяг

Өмнөд Солонгос: Хадамдаа хос шувуу бэлэглэнэ

 da1b77a2-4270-42ec-b974-7d6688c632a9

Уламжлал ёсоор хүргэн орж байгаа сүйт залуу нь хадам ээждээ хос нугас эсвэл галуу бэлэглэдэг заншилтай. Энэ нь насан эцэслэтлээ бэлэглэсэн хос жигүүртэн шигээ чин үнэнчээр ханьсан жаргахын бэлгэдэл болдог. Хуримын ёслолын үеэр шувууны дүрстэй модон сувенир бэлэглэдэг байсан бол амьд нугас солилцох хандлагатай өргөнөөр дэлгэрчээ.

Энэтхэг: Сүйт залуугийн гутлыг хулгайлна

 0c6c6d94-d6e0-49e4-a569-29572b6dbccf

Энэтхэг хуримын ёслолын үеэр хүргэний гутал маш чухал үүрэг гүйцэтгэдэг. Учир нь хүргэн ёслол үйлдэхдээ гутлаа заавал тайлах ёстой байдаг ба сүйт бүсгүйн талынхан гутлыг нь хулгайлах ёстой юм. Хэрэв сүйт бүсгүйн талынхан хүргэнийхээ гутлыг хулгайлж чадвал хүргэний талынхан хүссэнийг нь хийж гутлаа эргүүлэн авах уламжлалтай.

Дани: Сүйт залуугийн оймсыг хайчилна

 5e2c0dd4-5062-4d70-8f34-65879c064309

Хуримын ёслолын үеэр цугларсан эрэгтэй зочид сүйт залууг хүчээр дээш өргөн оймсыг нь хайчилдаг уламжлалтай. Энэ нь сүйт залуугийн оймсыг гэргийгээс нь өөр хэн ч оёж өгөхгүй гэдгийн баталгаа болдог ба эхнэртээ үнэнч байна гэдгээ амласан тангараг гэж үздэг.

Перу: Хуримын бялуунаас бэлзэгтэй туузыг сугална

 b3739e01-0877-4f3b-9b99-a412787c0dbf

Перугийн хуримын ёслолыг туузан чимэглэлтэй бялуу чимж өгдөг. Шинэхэн хосыг хуримынхаа бялууг хуваахын өмнө ганц бие эмэгтэйчүүд тэрхүү бялуунд шигтгэсэн туузнаас сугалж эхэлдэг уламжлалтай ба тэдгээр туузны нэг нь л бөгжтэй гарч ирнэ. Ийнхүү бөгжтэй туузыг сугалсан эмэгтэйг удахгүй заяаны ханьтайгаа учирч хуримлана гэж итгэдэг.

Польш: Сүйт бүсгүйтэй бүжиглэх эрхийг худалдаж авна

 47c660c4-df2c-48bd-824b-abb275b70688

Хуримын найранд уригдан ирсэн зочид сүйт бүсгүйтэй бүжиглэх эрхийг худалдаж авдаг нэгэн сонирхолтой ёс байдаг ажээ. Хуримын зочид сүйт бүсгүйн даашинзан дээр мөнгө тавьснаар түүнтэй бүжиглэдэг. Зарим нь сүйт залуутай ч гэсэн ийм маягаар бүжиглэх нь бий. Ийнхүү цугларсан мөнгийг шинэхэн хосын бал сарын зардалд зарцуулдаг гэнэ. Энэ уламжлалыг Грек болон Кубаас гадна Азийн зарим оронд ч гэсэн дагадаг болжээ.

Борнео: Гурван өдөр бие засах хориотой

 a8288f9a-f9f1-4495-8b55-9350bd3a56eb

Дэлхийн хамгийн том арлын нэг Борнео дээр Малайз Индонез болон Бруней улс оршдог. Тэгвэл арлын Tidung омогт шинэхэн хосыг гурван хоногийн турш бие засахыг хориглодог. Хэрэв энэхүү эртний уламжлалыг зөрчвөл шинэхэн гэр бүл аз жаргал амсахгүй бас мэндэлсэн үр нь нас барна гэж үздэг

Герман: Мод хөрөөднө

 f5d00f3b-78b3-4ac8-8b46-d5ae2b508436

Германд шинэхэн хос хуримынхаа ёслолын үеэр хамтдаа мод хөрөөдөх ёстой байдаг. Ингэж хамтын хүчээр мод хөрөөдөх нь амьдралдаа тулгарсан анхны сорилтыг амжилттай даван гарлаа гэсэн санааг илэрхийлдэг. Мөн түүнчлэн насан туршдаа нэг нэгэндээ түшиг тулгуур нь болж амьдрахын бэлгэдэл болдог ажээ.

Кени: Сүйт бүсгүй рүү нулимна

 Bride's maids from Kenya's smallest ethnic group El-molo smile during a wedding ceremony in El-molo bay in Loiyangalani

Кенийн The Masai омгийнхон хуримын өвөрмөц уламжлалтай. Шинэхэн хосыг тосгоноо охин явах үеэр сүйт бүсгүйн эцэг нь охиныхоо толгой болон цээжин хэсэг рүү нулимдаг. Ийнхүү нулимах нь охиндоо аз жаргалтай амьдралыг ерөөж байгаа хэрэг юм. Ингээд залуу хос төрөлх тосгоноо орхин шинэ амьдралаа эхлүүлнэ.


Дэлхийн улс орнуудын хуримын ёс жаяг
Жиргэх
Манай хуудсанд LIKE дарж нэгдэнэ үү

Сэтгэгдэл бичих

АНХААРУУЛГА: Уншигчдын бичсэн сэтгэгдэлд MISS.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 7711-0505 утсаар хүлээн авна.