Дэлхийн хамгийн тарган эмэгтэйгээр тодорч байсан Америкийн иргэн Катрина Райфорд 230 килограмм жин хаяснаар Гиннесийн амжилтын номын дээд амжилтын эзэн гэх нэр хүндтэй хэргэмээ алджээ. 12 жилийн тэртээ түүний биеийн жин 432 килограмм байсан бөгөөд мань хүн өөрийгөө “Хагас тонн жинтэй амьтан” гэж нэрлэдэг байв. “Би өөртөө хамаагүй итгэлтэй болсон. Одоо би орон дээр хөдөлгөөнгүй хэвтэхгүй, гүйж, долоо хоногт 3-4 удаа фитнессээр хичээллэж байна” гэж Флорида мужийн оршин суугч 38 настай бүсгүй ярьсан аж.
Дэндүү тарган өвчтөнийг асарч, тээвэрлэхийн тулд эмч нар түүүний амьдардаг байшингийн ханыг нь нураахаас өөр аргагүй болсон юм. Райфорд амьсгалын дутагдалд орсон тул гэрт нь шаардлагатай тоног төхөөрөмжийг байрлуулах ёстой байлаа. Райфорд хоолны хатуу дэглэм барьж эхэлсний дээр биеийн тамирын дасгалууд хийж эхэлжээ. Жингээ хаях үйл явц 12 жил үргэлжлэв.
Хүүхэд байхдаа Катрина хүчирхийллийн золиос болсон тул төдөлгүй хоолны хэнээтэй болчихсон гэнэ. 14 насандаа тэрбээр 203 килограмм жинтэй болжээ. 21 насандаа хөдөлж ч чадахгүй болсон тул орон дээрээ хэвтэх болсон аж.
Эх сурвалж www.wikimon.mn
