С.Амина: Бүсгүй заяа

14465111975638025db9e24Хүйн хорвоод бүсгүй хүн болон мэндэлсэн
Хүж дэлхийг хайрын илчээр мялаасан
Сэтгэлийн apиун,тэвчээрийн сайхныг түгээсэн
Сэвтэшгүй хүмүүн орчлонгийн бүсгүй заяа гэж…

Саартай учирч сэвтэж нэг гундсан
Сайнтай уярч хайрын бахдалд умбасан
Зүрх сэтгэлээ хайртай бүхэнд түгээх илчтэй
Зөнгөөрөө хайрлагдсан бүсгүй заяа гэж…

Амьдралд уруудахад алаг нүд нь нулимсаар үерлэсэн
Алхам өгсөхөд сэтгэлийн тэвчээр нь гэрэлтэн гийсэн
Хүүхэн заяандаа итгэлийн гэмийг цагаатгах увидастай
Хүмүүн ертөнц дахь бүсгүй заяа гэж…

Үрсийнхээ төлөө үхэж ч чадах
Үнэний амьдралд “тамлал” ч амсдаг
Хүйн хорвоог уйлуулж уяраах шидтэй
Хувь тавилант амьдрал дахь бүсгүй заяа гэж…

Зовлонгийн сиймхийг сэтгэлдээ буглан зүрхшээсэн ч
Жаргалын туяаг бардам аалиар гийгүүлэх
Түүртэх амьдралд сөхөрч босон тэнцдэг
Тэнгэрийн тавилант бүсгүй заяа гэж…

С.АМИНА


С.Амина: Бүсгүй заяа
Жиргэх
Манай хуудсанд LIKE дарж нэгдэнэ үү
Түлхүүр үгс:

Сэтгэгдэл бичих

АНХААРУУЛГА: Уншигчдын бичсэн сэтгэгдэлд MISS.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 7711-0505 утсаар хүлээн авна.