– Би чамд ямар харагдаж байна гэж эрчүүдээс хэзээ ч битгий асууж байгаарай. Ингэж асуух нь үнэндээ тэнэг зүйл юм. Учир нь эрчүүд хүүхнүүдийн боддогоос ч илүү шийдэмгий хүмүүс. Хэрэв танд сэтгэлээ бүрэн нээхэд ямар нэг эргэлзээтэй зүйл гараагүй л бол тэр аль хэдийнэ гэрлэх санал тавьчихсан байх байсан. Харин одоог хүртэл энэ талаар ам нээхгүй байна гэдэг нь тантай дэр нэгтгэхдээ бүрэн итгэлгүй байгаагийн шинж.
– Эр хүний өмнө сул дорой байдлаа хэзээ ч бүү харуулаарай. Энэ байдал таны эр хүнийг татаж өөрийн болгох жинхэнэ мөрөөдөлдөө хүрэх замд чинь саад болж мэдэх юм шүү. Гэхдээ сул дорой харагдахгүй гээд ихэмсэг, хямсгар, яравгар байж болохгүй. Эрч хүчтэй эмэгтэй гэдэг чинь үүнээс тэс өөр ойлголт юм.
– Өөртөө сайн хүний араас үхэн хатан гүйх хэрэггүй. Зүгээр л өөр дээрээ ирэхийг нь тэвчээртэй хүлээ. Харин түүнийг өөр дээрээ ирэх мөчид өөрийгөө хэн болохыг харуулах хэрэгтэй.
– Эрэгтэй хүн сексийн гол өдөөгч байдаг. Тэд ямагт сексийн санаачилгыг гартаа авч эсрэг хүйстнээ эзэмддэг. Эр хүн секс хийсэн эмэгтэй болгонтойгоо сэтгэлийн холбоо тогтоогоод байдаггүй, тэгэх ч шаардлагагүй гэж үздэг. Тэгээд ч секс гэдэг бие биедээ хайртай хайргүй эсэхээс үл хамааран оршдог, хэдийд ч өдөөгдөхөд бэлэн байдаг нэг ёсны таашаал, бие сэтгэлийн зугаа юм. Тиймээс нэг оронд орсноор та хоёрын харилцаа илүү дотно болно гэдэгт хэт их найдлага тавиад хэрэггүй л болов уу. Харин ч унтлаганы өрөөнөөс гадуур цагийг хөгжилтэй өнгөрөөх тусам эрчүүд эмэгтэй хүнд илүүтэй гүнзгий татагддаг.
