Америкийн эрдэмтэд шоколаднаас аюултай бодисыг илрүүлсэн байна. Энэ бодис хүмүүсийн бие махбодод мансууруулах бодистой адилтгам үйлчлэлийг үзүүлдэг гэдэгт тэд итгэлтэй байгаа аж. Шоколадны үндсэн бүрэлдэхүүн хэсэг нь какао билээ. Тэгвэл какао дотор ванданамид гэдэг аюултай бодис агуулагддаг гэнэ. Энэ бодис марихуан хар тамхин дотор агуулагддаг каннабиноидтой адилхан бүтэцтэй юм. Шоколадыг идэх үеэр ванданамид уураг тархинд хүчтэй нөлөөлөл үзүүлж, дахин идэх хүслийг төрүүлдэг байна. Зарим нэг хүмүүс шоколадыг их хэмжээгээр идэхийг хүсдэг нь энэ аюултай бодисын өвөрмөц шинж чанартай холбоотой гэнэ.
Гэхдээ шинжлэх ухааны ажилтнууд их хэмжээгээр идсэн тохиолдолд л шоколад хүмүүний эрүүл мэндэд хор уршиг тарина гэж мэдэгджээ. Шоколадыг дэндүү ихээр идвэл харшлын үйлчлэл явагдаж, зүрх судасны тогтолцоо хэвийн ажиллахаа болино. Мөн бид энэ бүтээгдэхүүний эерэг шинж чанаруудыг мартаж болохгүй. Зарим нэг эрдэмтэд тодорхой нэг хэмжээгээр идвэл шоколад уураг тархины үйл ажиллагаа болон хүмүүний сэтгэл санааны байдлыг сайжруулах чадвартай гэж үздэг билээ. Шоколад нь хүний бие махбодод маш чухал янз бүрийн бичил бодисуудыг ихээр агуулдаг юм. Эх сурвалж www.wikimon.mn