Америкийн дуучин Мадонна Английн Манчестер хотод хийх ёстой байсан тоглолтоо нэг цаг хүлээлгэн байж эхлүүлсэнд үзэгчид дургүйцлээ ихээр илэрхийлсний хариуд тэднийг доромжилжээ. Дуучин эмэгтэй Rebel Heart аялан тоглолтынхоо хүрээнд “Манчестер Арена” цэнгэлдэх хүрээлэнд тоглосон аж. Түүнийг хүлээж цөхрөөд үзэгчид шүгэлдэж, орилолдож эхэлжээ.
Тайзан дээр гарч ирээд Мадонна удтал хүлээлгэсэндээ уучлал хүссэн ч “Харин энэ хүлцэл өчилт маань таалагдахгүй байгаа тэр хүмүүс амаа хамхивал таарна. Би шоколад идэж, нүүр амаа будсан шиг тайзны ард суусангүй. Намайг биеэ тоосон новшийн амьтан гэж бодох хэрэггүй. Хэрэв та нар, новшийн юмнууд гонгиноод байх юм бол миний тоглолтыг битгий үз л дээ” гэж Мадонна мэдэгджээ.
