Та бүхэн өнөөдөр залуу сайхан байгаа. Гэвч нэг л өдөр нүдний чинь доогуурх арьс унжсан байх вий. Энэ нь буруу арчилснаас, хэт их ядрах, нойр муу байх, нас ахих зэргээс шалтгаалан зовхи үрчлээтэж, нүдний доогуур “уут” үүсдэг. Хэрвээ ийм байдал таны нүүрэнд ажиглагдаж эхэлбэл зовхины үрчлээнээс урьдчилан хамгаалах хэрэгтэй. Бүсгүйчүүддээ өгч байгаа дараах зөвлөмжүүдийг хэрэглээрэй:
Жижиг хэрчсэн ногоон яншуйг зовхин дээрээ тавиад чийгтэй хөвөн юм уу марлиар бүтээж маск тавьж болно. 15 минутын дараа маскийг авна. Яг энэ зарчмаар үрж жижиглэсэн түүхий төмсөөр бас маск тавьж болно. Мөн жижиглэсэн төмсийг хоёр цайны халбага гурил, мөн ийм хэмжээний сүүтэй хольж зовхины маск бэлтгэж болно. Эдгээр маск нь зовхины үрчлээг багасгахад тустай. Мөн долоо хоногт 2-3 удаа халгайн хандаар 15-20 минут жин тавиад иллэг хийж болно. Эрэгтэй хүмүүс бүсгүйчүүдийн нүдийг хамгийн түрүүнд хардаг гэдгийг санахад илүүдэхгүй шүү.
