АНУ-ын Арканзас мужид амьдардаг 22 настай сүйт бүсгүй Абби Рамирез өөрийн төсөвт багтах хуримын даашинз олж чадаагүй учраас, хүссэн даашинзаа өөрийн гараар урлахаар шийджээ. Түүний нагац эгч нь түүнийг гурван настай байхад юм нэхэхийг зааж өгсөн учраас нагац эгч нь дуртайяа туслахыг зөвшөөрсөн аж.
Ийнхүү найман сарын уйгагүй хөдөлмөрийн үр дүнд тэрээр дурлалт залуутайгаа аравдугаар сарын 17-нд хуримласан бөгөөд гоёлын даашинзны нийт зардал нэхмэл цагаан даашинзад 70 ам.доллар, дотуур ногоон даашинзад 100 ам.доллар зориулагдсан аж.
“Амьдралынхаа хамгийн чухал өдөрт зориулан өөрийн гараар бүх хайраа шингээн ямар нэг зүйл урлах үнэхээр гайхамшигтай байлаа. Мөн удахгүй сүйт бүсгүй, эхнэр болох гэж буй эмэгтэйчүүдэд хандаж хэлэхэд: Аль болох л эрт бүхнийг эхэл бас бүү шантар.”- Абби Рамирез