Хүн 8 цаг унтсанаар л сэргэг болчихдоггүй. Заримдаа өчнөөн удаан унтсан мөртөө нүдээ нээж чадахгүй байх нь бий. Үүний улмаас ажил сургуулиас хоцрохоос эхлээд олон хүндрэл гардаг. Ялангуяа урд өдөр нь хэтрүүлэн наргиж даргисан бол өглөө сэргэг босох ч асуудал шүү.
Тийм учраас өглөө сэрээд ухасхийн босох хэрэггүй. Эхлээд хэд сайхан гүнзгий амьсгал. Тархины хүчил төрлийн хангамж нэмэгдсэнээр амархан сэргэнэ.
Мөн сэрүүлэгнийхээ дууг хэт чанга битгий тавиарай. Ялангуяа хэмнэл түргэнтэй, рок маягийн хөгжим нойрмог үед бухимдал төрүүлж мэднэ. Тийм тохиолдолд сайхан зантай босох нь юу л бол.Намуун зөөлөн аялгуун дээр сэрүүлгээ тааруулаад орноосоо аль болох холхон тавиарай. Нойрмоглоод сэрүүлгээ дарчихдаг гэм бий шүү.
Хамгийн чанартай нойр бол шөнийн 00 цаг хүртэлх цаг гэж үздэг учраас аль болох эрт унтвал сайн. Хүн хэдийд унтдагаас өглөө хэрхэн сэрэх нь ихээхэн хамаардаг. 8 цаг орчим унтах нь хамгийн гол дүрэм. Яагаад гэвэл түүнээс богино хугацаанд тархи, бие махбод бүрэн сэргэлт авч чаддаггүй.
Бие сайхан амарч, сэргэг сэрэхэд өрөөний дулаан бас чухал үүрэгтэй. Халуун ч биш, хүйтэн ч биш орчин хамгийн чухал.
Өглөө босоод 5-10 минут дасгал хөдөлгөөн хийх ч сэргэлтэд бас тустай.
