“Miss Universe 2015” буюу “Ертөнцийн мисс” тэмцээний ялагч Филиппиний гоо бүсгүй Пия Алонсо Вуртцбах Их Британийн тагнуулч 007 буюу Жеймс Бондын дараагийн найз бүсгүй болохыг хүсдэг тухайгаа ярьжээ.
Тэрээр “Жеймс Бондын дараагийн найз бүсгүй болох ч юм билүү хэн мэдлээ. Ертөнцийн мисс болох мөрөөдөлдөө хүрсэн бол миний дараагийн мөрөөдөл Бондын найз бүсгүйн дүрд тоглох” гэж Ассошиэйтед Пресс агентлагт өгсөн ярилцлагадаа хэлжээ.
Жеймс Бонд 007-гийн найз бүсгүйн дүрд ихэнхдээ тачаангуй, халуухан бүсгүйчүүд тоглодог. Сонирхуулахад тус дүрд өмнө нь Ева Грин, Холли Берри, Ольга Куриленко зэрэг бүсгүйчүүд тоглож байсан юм.
Эх сурвалж: Reuters
Х.Көгершин | GoGo.mn
