Эрүүл ахуйн шаардлага хангасан хүнсний бүтээгдэхүүнээр хэрэглэгчдийг хангах.
Компанийн уриа:
Эрүүл хүнс – Таны сонголт
Компанийн үнэт зүйл:
Монгол Улсын хүн амыг эрүүл хүнсээр хангах үйлсэд хүчин зүтгэх, идэвхитэй оролцох
Талх, талхан бүтээгдэхүүнээр дамжуулан хэрэгцээт амин дэм, эрдэс бодисыг хүргэх. Өөрөөр хэлбэл монгол хүний эрүүл мэнд, аж амьдралд өөрийн нөлөөллийг бий болгох
Анх 1981 оны 07-р сарын 02-ны өдөр тус компанийн шавыг тавьсан түүхтэй.
Тэртээ 1984 оны 07-р сарын 05-ны өдөр Талх Чихрийн комбинат нэртэйгээр ЗХУ-н техник, эдийн засгийн туслалцаатайгаар Улаанбаатар хотод ашиглалтад оруулсан. Тус комбинат хоногт 90тн талх, жилд 5000тн төрөл бүрийн чихэр, 6550тн жигнэмэг, өрмөнцөр, бялуу, 800тн жимсний чанамал үйлдвэрлэх хүчин чадалтай байгуулагдсан.
Монгол Улсын Засгийн газрын өмч хувьчилалын комиссын 1991 оны 11-р сарын 2-ны өдрийн 16-р тоот тогтоолоор Төрийн мэдлийн 30%-ийн өмчлөл бүхий хувьцаат компани болсон. 1999 оны 11 сарын 11-ний өдрийн Монгол Улсын Төрийн өмчийн хорооны 1238 тоот тогтоолоор төрийн өмчийн 30%-ийг 100% хувийн эзэмшилд шилжсэнээр хувийн өмчит компани болон үйлдвэрлэлийн үйл ажиллагаагаа үргэлжлүүлэн 30 дахь жилдээ ажиллаж байна.
Одоо тус компани 4 үйлдвэр, 9 албад нэгжийн 700-д ажиллагсадтай, нийт ажиллагсадын 90% нь мэргэжлийн сургууль төгссөн, ИТА-ны 60% нь ОХУ-д их дээд сургууль төгссөн болон мэргэжил дээшлүүлсэн бусад инженер техникийн ажилчид өөрийн орны их дээд сургуулийг техникийн болон технологи, санхүү эдийн засгийн чиглэлээр төгссөн өндөр мэргэжлийн ажилчидтай. Сүүлийн нэг жилийн хугацаанд 150 орчим ажлын байрыг шинээр нэмэгдүүлсэн.
“ТАЛХ ЧИХЭР” ХК нь 10 гаруй нэр төрлийн талх, 20 гаруй нэр төрлийн нарийн боов, төрөл бүрийн бялуу, 10 гаруй нэр төрлийн жигнэмэг, 10 гаруй төрлийн зөөлөн чихэр, мармелад, зөөлөн чихрийн цуглуулга тус тус үйлдвэрлэж өдөр тутам Улаанбаатар хотын 3000 гаруй цэгт түгээлт хийдэг төдийгүй Төв аймаг, Дархан, Эрдэнэт, Сэлэнгэ зэрэг хөдөө, орон нутгийн хэрэглэгчдийн хэрэгцээг хангаж байна.
Үйлдвэрлэсэн бүтээгдэхүүнийг зориулалтын тээврээр хүргэх асуудлыг компани хийдэг бөгөөд өөрийн автогражийн парк шинэчлэлийн ажлыг төлөвлөсөний дагуу 2003 онд хийж БНСУ-аас хүнсний бүтээгдэхүүн тээвэрлэх зориулалтын хөргүүртэй болон хөргүүргүй жижиг оврын автомашин оруулж одоо том, жижиг 60 гаруй машин бүхий автопарк ажиллаж байна.
