Америкийн кино урлагийн академийн дээд шагнал “Оскар”-ын шагнал гардуулах ёслолын үйл ажиллагаа өчигдөр Лос Анжелос хотноо болж өнгөрлөө. 88 дахь удаагийн Оскарын наадмын хамгийн их олны анхаарлыг татаад байсан нэгэн үйл явдал бол шилдэг эрэгтэй жүжигчний шагналыг хэн хүртэх вэ гэдэг байлаа.
Олон шилдэг дүрүүдийг бүтээж, зургаан удаа нэр дэвшсэн ч ганц ч удаа алтан хүнийг атгаж үзээгүй Ди Каприо авах уу аль эсвэл Дани охин кинонд бүтээсэн гайхалтай дүрээрээ Эдди Рэйдмэн дахин хүртэх үү гэдэг асуудал дэлхийн нийтийн анхаарлыг татаад байсан юм.
Ингээд эцсийн мөчид Ди Каприо “The Revenant” кинонд бүтээсэн дүрээрээ “Оскар”-ын шагналыг хүртсэн. Тэгвэл уг үйл явдалтай зэрэгцэн дэлхийн 440 мянган хүн нэг минутын дотор жиргэн, түүнд баяр хүргэжээ.