Саяхан олон улсын эмэгтэйчүүдийн баяр болсон билээ. Тэр өдөр гэрийхэнтэйгээ гадуур хооллох санаатай өдрийн 3-4 цагийн орчимд гэрээсээ гарсан юм. Гараад хүн багатай , ядаж сул суудалтай газар хайж хайж олдохгүй болохоор нь шантраад гэрийн зүг буцахаар болов.Буцах замдаа шал согтуу, бүр гуйвчихсан ,бараг хаана явж байгаагаа мэдэхгүй, ядаж байхад нимэгхэн хувцастай (пальто, өндөр өсгийт , нимгэхэн маарль шиг ороолт, малгай бээлий юу ч байхгүй) явж байгаа 3 хүүхнийг олж харсан. Бодвол эмэгтэй хүний баяр, эрхийг хамгаалах өдөр гээд л дэндүү их баярласандаа болоод ууцгаасан юм шиг байгаа юм.
Гудамжаар нэг орилж хашгираад л хажуугаараа өнгөрсөн залуу болгон руу харж худлаа инээн айлгүйтээд л ямар муухай харагддаг юм бэ. Сүрчиг үнэртүүлээд дээгүүр харан гунхан алхаж явах ёстой бүсгүйчүүд маань хаана яваагаа ч мэдэхгүй бараг хэнтэй явж байгаагаа ч мэдэхгүй болчихсон байхыг хараад дотор ямар сонин болсон гэж санана.
3-р сарын 8 их хүйтэн өдөр байсан. Муугаар бодоход тэр бүсгүйчүүд хаа нэгэн газар унаад хөлдөөд үхчихсэн бол яана? Муу хүмүүсийн гарт ороод алга болчихсон бол яана? Одоо гэртээ эрүүл саруул байгаасай л гэж хүсэж байна.
“Охид ариун бол төр ариун” гэдэг үгийг би мэднэ. Бүх охид биш ч гэлээ зарим эмэгтэйчүүд ийм байхад яаж Монгол Улс ариун байх юм бэ?
Ууж болно, эмэгтэй хүн. Гэхдээ амсах төдийд л орхидог байх хэрэгтэй. Ухаан санаагаа алдаж, явж ч чадахгүй болтлоо уух ямар хэрэгтэй юм бэ?
Ер нь архийг уулаа гээд ямар ч сайхан зүйл тохиолдохгүй нь лавтай. 50гр архи уухад 300мянган мэдрэлийн эс үхдэг гэж уншиж байсан юм байна. Өөрийнхөө ч гоо үзэсгэлэн эрүүл мэндийг золиосонд тавин байж уух хэрэгтэй гэж үү, бүсгүйчүүд минь.
Согтуу эмэгтэй ямар муухай харагддаг гэж бодно. Согтуу эрчүүдээсээ долоон дор харагддаг. Ирээдүйд үрийн зулай үнэрлэж суух эмэгтэй хүн та архи гээч муухай зүйлийг битгий хэрэглээрэй. Та бүхнээсээ аминчлан гуйж байгаа минь энэ юм шүү.
