Гурван жилийн өмнө улаан бурхан өвчин устлаа гэж сүр дуулиан болж байсан. Харин энэ сүр дуулиан эсэргээр эргэж өвчний эх үүсвэр болсон улаан бурхан өвчин дээд цэгтээ хүрсэн байна. Энэ оны эхний хоёр сарын байдлаар улаан бурханаар өвчилсөн хүний тоо 3236 хүрсэн байна. ХӨСҮТ-д улаан бурханаар өвчилсөн иргэд болон хэвтэн эмчлүүлж байгаа хүний тоо дээд цэгтээ хүрээд байна. Тус эмнэлэг бүх тасагтаа улаанбурхан өвчнөөр өвчилсөн хүнийг эмчилж байгаа бөгөөд өрхийн эмнэлэгүүд илүү цагаар ажиллаж байна. Ачаалалтай энэ үед тус эмнэлгийн эмч нар 2, 3 хоног нойр хоолгүй ажиллаж байгаа ч илүү цагийн хөлс авахгүй байгаа аж. Хэдийгээр илүү цагийн хөлс авахгүй байгаа ч төр мөнгөгүй болсон ч өргөсөн тангаргатай үнэнч гэж магтууштай боловч нэг талаараа ХӨСҮТ хүнд нөхцөлд орсон байна. Уг нь нэг орон дээр нэг л хүүхэд хэвтэн эмчлүүлэх ёстой боловч ачаалалтай үед хоёр хүүхэд хэвтэж, нэг хүчил төрөгчийн аппаратыг хоёр салгаж хэрэглэж байгаа аж. Хүчил төрөгчийн аппаратыг зургаан хүүхэд дундаа хэрэглэж байгаа зэрэг маш хүндрэлтэй ажиллаж байгаа аж. Хүний амь настай холбоотой асуудал дээр анхаарал хандуулахыг Засгийн Газраас хүслээ.
Улаан бурхан өвчний талаар сэрэмжлүүлэг мэдээлэл хүргэж, вакцинжуулалтыг хангалттай хийх байтал урьдчилсан мэдээлэл өгөөгүй, өнөө маргаашаа аргацаасан шинжтэй байгаагаас болж 10 нярайгийн амь эрсэдсэн гэлээ.
ХӨСҮТ улсын хэмжээнд 70 мянган тун вакцин байна. Үүнээс 40 гаруй мянгыг нь орон нутагт буюу аймгуудад тараажээ. Халдварын голомт Улаанбаатар хотод хамгийн их. Мөн хүн ихээр зорчдог зам дагуух Сэлэнгэ, Дорноговь зэрэг аймгуудад өвчлөл их гарч байгаа аж.
