Дуучин Женифер Лопез, Энрикү Иглес нар энэ зун хамтарсан аялан тоглолт хийхээр болжээ. Өдгөө “American Idol” шоуны
шүүгчээр ажиллаж буй Ж.Лопез хэвлэлийн хурлын үеэр тоглолтын хуваарь гарсныг мэдээлжээ. Тэд энэ тоглолтынхоо нээлт болгон бяцхан арга хэмжээг Холливудын шөнийн клубт зохиосон бол хэвлэлийн хурлаа өнгөрөгч даваа гарагт хийжээ.
Тэрбээр мөн өнгөрсөн долоо хоногт болсон шоуныхаа үр дүнгийн талаар ч мөн ярьсан байна. Тэрбээр шүүгч хийж байгаагийн хувьд бяцхан айдастай байгаагаа ч нуугаагүй байна. Мөн юм болгонд бяцхан айдас өөрийг нь дагадаг хэмээсэн аж.
“Энэ удаагийн аялан тоглолт бол миний хувьд томоохон үйл явдал” хэмээн мэдэгдсэн дуучдын аялан тоглолт наймдугаар сарын 31-ийг хүртэл томоохон хотуудаар үргэлжлэх юм байна. Тэд ихэвчлэн Хойд Америкаар аялах аж.
Б.Золзаяа
