Аз жаргалыг юунаас мэдрэх вэ?

Аз жаргал гэж юу вэ? Гэж асуувал хүн болгон л өөр өөрөөр хариулах байх. Та ч гэсэн дотроо нэг зүйл бодсон байх.

Миний бодлоор аз жаргал гээч зүйл нь их энгийн. Хүн байгаа орчин нөхцөл бүрээсээ мэдэрдэг. Миний ам үнэхээр их цангаж байлаа гэж бодъё, яг тэр үед би ус уувал ТЭР АЗ ЖАРГАЛ. Магадгүй би үнэхээр их зовж байг, бүх ажил бүтэмжгүй мөнгө төгрөг ч байхгүй бүх зүйл уруудаж байна гэж бодъё. Хэцүү зүйл тохиолдон уйлаад сууж байхад минь миний нулимсыг арчих найз байгаа нь АЗ ЖАРГАЛ. Талх авах мөнгө байхгүй оройдоо хоосон хонож байсан ч эрүүл саруул байгаа минь АЗ ЖАРГАЛ. Харин орон гэр байр машин бусад хүмүүсийн хүсдэг бүх зүйл байгаа. Гэхдээ орой болгон хэрүүл уруултай хэрэлдэх болгондоо зодолдох шахдаг, хүүхдүүд нь орой болгон юу болох бол гэсэн айдастай байдаг гэр бүлд АЗ ЖАРГАЛ гээч зүйл байгаа юу? Эд хөрөнгө алдар нэрээс илүү хүмүүсийн харилцаа нэг нэгэндээ хамгийн их АЗ ЖАРГАЛыг өгдөг. Тиймээс хүн болгонтой сайхан харьц , дахин уулзахгүй байж ч мэднэ.

Аз жаргал гэж юу вэ? Гэсэн асуултанд хүмүүс өөрийнхөө бодлоор хариуллаа.
1.   Элбэг дэлбэг хангалуун амьдрах. /12нас Ө/
2.   Хайртай хүмүүсийнхээ хажууд байх. Хэрэглдэж муудалцсан ч , ярих зүйл байхгүй байсан ч тэдний царайг хараад суух хамгийн том аз жаргал. / 20нас Х/
3.   Би аз жаргалыг 3 хувааж үздэг.
•   Байгаа орчиноосоо авч буй жижигхэн мөртлөө чамин мэдрэмжүүд. Жишээлбэл: Хөлсөө дуслуулан байж ажил хийгээд , хийж дууссаныхаа дараа түүнийгээ харж баясах.
•   Ирээдүйгээ сайхнаар бодон хоосон мөрөөдөх.
•   Өнгөрснөө бодон баясах , бахархах , хөгжих. Жишээлбэл: багадаа хийж байсан хөгжилтэй үйлдлүүдээ санан инээх. / 18 нас Т/
4.   Аав ээжтэйгээ хамт байх. /7нас У/
5.   Хүүхдүүдийн минь ажил бүтэмжтэй , эрүүл энх сарул сайхан байвал тэр чинь л аз жаргал.
/56нас Н/