Их Британийн дуучин Адель мэргэжил нэгт Рианнагийн уран бүтээлийг ихэд хүндэтгэн хайрладаг нэгэн. Гэвч энэ зун тэрбээр Рианнагийн тоглолтыг үзэж чадахгүй гэнэ шүү. Адель Лондон хотод болсон тоглолтынхоо үеэр Рианнагийн тоглолтыг үзэхээс айдаг гэдгээ хэлжээ. Тэрбээр Рианнагийн тоглолтыг үзвэл дэндүү ихээр мансуурч, дуулж чадахаа больчихно гэж боддог аж.
Хоёр супер одын тоглолтын хуваарьт бага зэрэг зөрөлдөөн бий. Барбадоссын дуучин бүсгүй Уэмбли цэнгэлдэх хүрээлэнд зургаадугаар сарын 24-нд тоглох бол маргааш өдөр нь Адель Гластонберид болох хөгжмийн наадам дээр ая дуугаа өргөнө.
“Би түүнийг хүндлэн хайрладаг. Гластонберид оролцохоосоо өмнө би Рианнагийн тоглолтыг үзмээр л байна. Гэвч би тийшээ очих юм бол маргааш өдөр нь дуулж чадахгүй. Гэхдээ л би түүнд хайртай. Үнэн шүү. Шинэ цомогт нь багтсан дуу болгоныг нь сонсох дуртай. Түүнтэй тэгж байгаад нэг уулзана даа” хэмээн Адель ярьжээ.
PHOTONEWS.MN