Нийтийн дууны ертөнцөд хөл тавингуутаа гавьяат жүжигчин Т.Баясгалангийн дууг дуулсан биш, “хуулбарлагч одод”-ын тоог нэмсэн гэх Э.Чулуунчимэг сүүлийн үед их л моодонд орж буй. Т.Баясгаланд дарамтлуулсан, нэр нөлөө бүхий эрхмүүдийн ивээлд багтсан гэх мэт элдэв зүйлээр хэвлэлийн хуудсыг чимж явсан тэрбээр эцэст нь залхсан бололтой. Саяхны нэгэн ярилцлагадаа “Би найз залуутай болсон. Одоо өөр ямар ч эр хүнтэй холбогдмооргүй байна. Баясгалангийн дуунуудыг ч дуулахаа больсон” гэж ирээд л хувийн амьдралаа дэлгэжээ. Олны анхаарлыг татсан даруйдаа л хувийн гэсэн болгоноо нэлээд илэн далангүй ярьж, элдэв янзаар авахуулсан зургаа тарааж явсан дуучин бүсгүй ч одоо санаа нь амарсан биз. Найз залуугаа олонд зарлаж, нэрээ “цэвэрлэсэн” тэрбээр сая “Санаандгүй учирсан дурлал” нэртэй анхны бие даасан цомгоо гаргаж, “Баясгалангийн хуулбар” гэх хочноосоо ч салжээ.
Р.ЕСҮЙ
