“Үл таних эмэгтэй” киноны гол дүрээр олонд танигдсан жүжигчин О.Долгор сүүлд үед гарч ирсэн царайлаг, нуруулаг эмэгтэй жүжигчдийн нэг хэмээн хүрээнийхэн нь үнэлдэг. Жүжигчин бүсгүй СУИС-ийг дүүргэсэн бөгөөд нэг хэсэг хүнд өвчинд нэрвэгдэж, ёстой сэтгэлийн хатаар хөл дээрээ босож, өвчнөө дийлсэн гэдэг.
Түүний хувийн амьдралын тухайд, нөхөр нь хип хоп хамтлагийн дуучин Батхүү хэмээх залуу байдаг. Хосууд хөөрхөн охинтой бөгөөд харамсалтай нь салаад багагүй хугацаа өнгөрчээ.
Жүжигчин О.Долгор саяхнаас “Өдөр өдрийн нар” олон ангит киноны мэс заслын эмч залуугийн дүрээр олонд танил жүжигчин Э.Чинзоригтой хамтран амьдарч байгаа сурагтай. Залуу хосууд хамтран кинонд тоглож байхдаа бие биедээ сэтгэл алдарсан гэх бөгөөд хэн хэнийх нь хоёр дахь сонголт гэсэндээ олны нүднээс ихэд нууцалдаг ажээ.
Дашрамд, жүжигчин бүсгүй яг одоогоор “Домогт Ану хатан” кинонд дүр бүтээж байгаа юм.
