А.Ганчимэг: Яг одоо байгаадаа маш их сэтгэл хангалуун жаргалтай амьдарч байна

12800255_1141525539215654_3691051305407978895_n“Хувьсал” продакшны жүжигчин СТА А.Ганчимэгмэргэжил нэгт Б.Энхтүвшинтэй хайр сэтгэлийн холбоотой байсан билээ.Энэ тухайгаа тэд олноос нуугаагүй ч хүүхэдтэй болсноо ихээхэн нууцалж байсан. Тэгвэл энэ нь хосууд салсантай холбоотой гэдэг нь удахгүй тайлагдсан.Жүжигчин бүсгүй салалтынхаа талаар “… Хүний нөхөр хань ижил гэж ямар хүнийг хэлэх ёстой юм бол доо… Би энэ сэдвээр нэг их ярих дуртай биш. Ямар ч байсан одоогоор би охинтойгоо хоёулаа амьдарч байна. Яагаад салах болсон тухайд бүх л зүйлсийг тоочоод ярих нь утгагүй. Миний охин удахгүй хоёр нас хүрэх гэж байна. Нэлээд цаг хугацаа өнгөрсөн байгаа биз дээ. Энэ хугацаанд сайхантай, муухайтай өдрүүд олон л байсан. Магадгүй би арван жилийн дараа ч энэ талаар ярихгүй байх. Миний охин төрснөөсөө хойш нэг ч удаа тэр хүнтэй уулзаж байгаагүй. Ямар ч байсан охин бид хоёр сайхан амьдарч байгаа.
Яах вэ өнгөрсний сүүдэр ирээдүйд тусдаг гэж айхтар үг байдаг ш дээ. Болоод өнгөрсөн нь үнэн. Би өөрийнхөө ирээдүйг гэрэл гэгээтэй сайхнаар хараад л явж байна. Охиноо эрүүл энх өсгөхийг хичээж байна. Миний охин л эрүүл саруул байгаасай, янз бүрийн хэл ам хүрэх вий гэж боддог болохоор энэ талаар би тэр болгон ярихыг хүсдэггүй. Бид хоёр намайг жирэмсэн байхад хоёр тийшээ болсон. Эмэгтэй хүний хувьд хамгийн хэцүү бөгөөд хамгийн аз жаргалтай мөчүүд жирэмсэн байх үе байдаг. Хэн нэгэн хажууд нь байж хайрлаж халамжлах мэдээж сайхан л байх. Миний тархинд хүүхдээ л эрүүл саруул төрүүлэх юмсан гэдэг л бодол байсан. Төрсний дараа үнэхээр хэцүү үеүд надад байсан. Гэхдээ одоо ард хоцорсон болохоор ярихыг хүсэхгүй байна. Ганчимэг гэдэг хүн яг одоо байгаадаа маш их сэтгэл хангалуун жаргалтай амьдарч байгаа. Намайг хайрлаж, надад аз жаргал бэлэглэдэг сайхан хүмүүс дэргэд минь байна” хэмээн хэвлэлд өгсөн ярилцлагадаа дурдсан байна.

Эх сурвалж http://www.info.mn


А.Ганчимэг: Яг одоо байгаадаа маш их сэтгэл хангалуун жаргалтай амьдарч байна
Жиргэх
Манай хуудсанд LIKE дарж нэгдэнэ үү
Түлхүүр үгс:

Сэтгэгдэл бичих

АНХААРУУЛГА: Уншигчдын бичсэн сэтгэгдэлд MISS.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 7711-0505 утсаар хүлээн авна.